Tiô rơkong jâ Chuyên, nôu jâ cho Dương Thị Chín, môi ngế kăch măng ki păn roăng kơtoâ kăn ƀô̆, mố đô̆i, hiăng hơ’muăn tối tơdroăng ki kuăn pơlê ‘nâi môi to tơnâp kiâ mố đô̆i hlâ hơnăm 1986. Vâ chôu vế tíu, jâ Chín mơ-eăm pro um ƀê tong, chêh chư tơdjâk troh tíu tơƀai xâ pĕng mố đô̆i. Maluâ um meăm mê hiăng ôh tá hleăng xếo xua hiăng ton, jâ Chuyên xuân ối chôu vế rơkong nôu pơchân ƀă tơbleăng ăm khu kăn pơkuâ cheăm.

Tơdah xo tơdroăng, Đô̆i K51, ƀơrô cheăng kal kí, Khu pơkuâ ngăn lêng kong pơlê Dak Lak tơrŭm ƀă mâu khu ki lăm ngăn, tăng rôu ƀă châ hlo kơxêng kiâ mố đô̆i rơtế ƀă hên tơmeăm. Túa ki vâ séa ngăn hiăng châ xo vâ mơnhên ADN, vâ ‘nâi inâi ngế mố đô̆i. Tơdroăng cheăng pêi dêi jâ Chuyên veăng gum pro tơdjâk ki pơxúa dêi hnoăng cheăng tăng rôu, tơkŭm kơxêng kiâ mố đô̆i, pêi pro tơdroăng ki pâ troh mâu ngế ki ai hnoăng, drêng châ tơdroăng niân nok môi tiah hâi kố.