Veăng tơpui mâu tơdroăng tơkêa bro luât, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi pơkâ pêi pro inhên mơngế pêi cheăng, ivá pêi cheăng, troăng tŏng gum tơdroăng cheăng ƀă pôu râng hnoăng cheăng tơrŭm pơla mâu kơ koan. Tơdroăng pơcháu hnoăng cheăng thế tơniăn tŭm pêi pro, vâ châ hlo rĕng tơdroăng ki tơ’lêi, mơdât teăm tơdrêng tơdroăng ôh tá tơniăn ƀă rak vế kuăn pơlê lĕm tro tâ.

Rak vế tơmeăm ki kal tơdjâk troh gâk kring tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ mơnhên tro tơmeăm rak vế, kơlo rak vế ƀă hnoăng pêi pro. Tơdrêng amê, kal tơ’nôm mâu troăng hbrâ, mơdât plâ tung troăng măng, rak vế tơdâng tơ’mô tơmeăm, ‘noăng chư chêh ƀă mâu kơmăi ki tiê ing hơngế.