Tung hneăng má 1, khu ki ai tơdjâk troh kong pơlê Lâm Đồng hiăng tơkŭm po 32 rôh lăm ngăn, tăng rôu, tơkŭm cha 26 to kơxêng kiâ mố đô̆i ki tá hâi inâi. Mâu tíu pêi cheăng hiăng xo xâk, kơxêng dêi 3.625 to tơnâp ai tŭm tơdroăng vâ gum ăm cheăng séa ngăn ADN, pêi klêi hdrối 3 khế. Kŏng an kong pơlê Lâm Đồng hiăng tơdah xo lối 1.300 xâk dêi nhŏng o tiô kơjôi peăng nôu dêi mâu mố đô̆i ki tá hâi ‘nâi inâi.

Hneăng má 2 Tơdroăng cheăng pêi thâ 500 hâi măng tăng rôu, tơkŭm ƀă mơnhên inâi kơxêng kiâ mố đô̆i, kong pơlê Lâm Đồng pơkâ pêi tơkŭm châ dâng 100 to kơxêng kiâ mố đô̆i. Vâ châ pêi tơdroăng kố, kong pơlê pơtối mơdêk hnoăng cheăng dêi khu pơkuâ cheăng kal kí, mơhnhôk kuăn pơlê tơbleăng tơdroăng. Khu lêng pơtối pêi pro hnoăng cheăng pơtối tơrŭm tơniăn tro ƀă mâu khu râ, kăn pơkuâ cheăm bêng ƀă kuăn pơlê a kong pơlê.