Teăng mâ Khu kăn xiâm, Kăn xiâm hnê ngăn tơnêi têa mơnhên tối khât ƀă rơkâu mâu tơdroăng ki hiăng pêi châ tơƀrê, mâu tơdroăng pêi pro kơhnâ ki Đảng ƀô̆, kăn pơkuâ, kuăn pơlê ƀă khu lêng kring vế kong pơlê Phú Thọ hiăng pêi châ tơƀrê tung hơnăm 2025. Hdrối vâ troh Têt khôi hmâ dêi hdroâng mơngế, Kăn xiâm hnê ngăn tơnêi têa pơkâ thế râ ủi, kăn pơkuâ rêm râ kong pơlê Phú Thọ pơtối pêi pro kơtăng, tơkŭm pêi pro, krá tơniăn troăng hơlâ pơkâ pêi dêi Đảng, Tơnêi têa ‘na tŏng gum tơmeăm ăm kuăn pơlê, tơkŭm po Têt Bính Ngọ hơnăm 2026 rak tơniăn hơniâp ro, rơdêi, kơdĭng.

Malối cho tơtrŏng tơmâng ngăn, tŏng gum krâu ăm mâu ngế ki châ tơnêi têa gum, pôu kơ-êng nôu Việt nam khên tơnôu, mố đô̆i tro rong, mố đô̆i châi tamo, rơpŏng ki ai mố đô̆i hlâ, ngế ki ai hnoăng ƀă kăch măng, kŏng nhân, ngế pêi cheăng xơpá, ngế kơtiê. Rôh kố, Kăn xiâm hnê ngăn tơnêi têa hiăng diâp 500 kơxuô tơmeăm ăm rơpŏng kơtiê, 500 kơxuô tơmeăm ăm kŏng nhân pêi cheăng ai tơdroăng rêh kâ ối pá puât.