Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng, kong pơlê mơ-eăm khât, pêi pro kơtăng vâ pêi châ tơƀrê mâu tơdroăng pơkâ pêi thăm mơnhông péa kơxô̆ tiô Pơkâ Hneăng XIV dêi Đảng. Teăng mâ hên kong pơlê tối khŏm mơ-eăm sap ing khế apoăng, pơhlêh chêh pro mơ-éa, pơhlêh nhên tơdroăng ‘na xoăng liăn cheăng tơdjuôm, pơhlêh chêh pro mơ-éa, pơhlêh tơdroăng cheăng tê mơdró.

Ngế pro xiâm hnê ngăn tơnêi têa tối nhên, hơnăm 2026 cho hơnăm ki apoăng hneăng, ai pơxúa kal khât ‘na ivá mơdêk, pro chiâng tơdroăng ki loi ƀă tơdroăng hâk vâ pêi pro Pơkâ Hneăng hôp XIV ƀă hên tơdroăng hnê mơhno ki nếo, mơnhông tơƀrê. Ngế pro xiâm hnê ngăn tơnêi têa pơkâ thế tơkŭm tơbleăng pêi Tơdroăng pêi pro ƀă mâu tơdroăng pơkâ pêi cheăng kâ pơlê pơla cho ki kal, ki nhên dêi 12 tơdroăng cheăng chiâng 264 tơdroăng cheăng, tơdroăng tơkêa ki kal; tơdrêng amê, hlối tơtrŏng troh túa lĕm tro – pơlê pơla, tơdroăng rêh kâ ối, rak vế tơniăn liăn khế, liăn mơhá Têt ăm mâu ngế pêi cheăng, rak vế krá tơniăn cheăng lêng gâk kring, tơniăn tung tâi tâng pơlê pơla.