Klêi leh tơdah kân krip, pôa Tô Lâm, Kăn xiâm pơkuâ hnê ngăn Đảng  hiăng tơpui tơno ƀă  pôa Thongloun Sisoulith, Kăn xiâm  pơkuâ hnê ngăn Đảng, Kăn hnê ngăn kong têa Lếo tối phiu ro hlo mâu tơdroăng cheăng mơnhông tơƀrê ai pơxúa tung tơrŭm cheăng pơla Việt Nam - Lếo tung hơnăm hdrối. 

Ing mâu troăng hơlâ ki kân ƀă ing mâ ngăn pêi cheăng ton hơnăm hiăng châ péa pâ môi tuăn, péa kăn xiâm vâ môi tuăn kal tơmâng tơbleăng pêi tơdrêng tung hneăng ki kố. Ing mê, péa pâ pơtối mơdêk tơpui tơno, tối ăm dêi rơpó ‘nâi mâu tơdroăng tung tơbleăng pêi Pơkâ hneăng Hôp dêi rêm Đảng.

Tơdrêng amê, péa pâ pơtối mơdêk tối ăm dêi rơpó ‘nâi mâu tơdroăng cheăng kâ, pêi ahdrối tăng liăn, tơrŭm krá ƀă tơbleăng pêi kơtăng mâu tơdroăng tơkêa bro, pro xiâm ki nếo ăm rơtế mơnhông cheăng kâ, tê mơdró, ‘no liăn cheăng ƀă mơnhông tê mơdró péa pâ châ 10 rơtal USD tung la ngiâ.