Tơpui mơgêi rôh lăm ngăn, Thiê̆u tươ̆ng Trần Minh Trọng mơnhên tối khât Khu pơkuâ ngăn lêng kong pơlê Dak Lak hiăng pêi pro tro tơdroăng cheăng hbrâ rơnáu, pơkâ ăm hlá mơ-éa pêi pro tro luât, tơrŭm krá tơniăn ƀă mâu kơ koan ki ai tơdjâk troh, hbrâ rơnáu mâu túa pơkâ pêi vâ rak tơniăn gâk kring, tơdroăng kal dêi rôh po tơdroăng cheăng ki kal, mơhno “hiâm mơno tơchĕng dêi Đảng, hiâm mơno kuăn pơlê”.

Klêi mê, ối tối mơnhên tơdroăng tơmâng ngăn tŏng gum dêi Đảng, Tơnêi têa, Khu kăn Đảng lêng Tơnêi têa, Khu xiâm pơkuâ ngăn lêng ƀă kơpong tơnêi Tây Nguyên ƀă kuăn pơlê hdroâng kuăn ngo, khu lêng tíu tơkăng kong.