Kăn xiâm pơkuâ hnê ngăn Đảng tơmâng xo, mơnhên tối khât mâu tơdroăng kơdo mơ-eăm, tơdroăng ki hiăng pêi pro châ tơƀrê tung pơla hdrối mê hía nah; tối nhên tơdroăng tơbleăng Pơkâ Hneăng XIV dêi Đảng tung 5 – 10 hơnăm la ngiâ ai pơxúa cho ivá ƀă tơdroăng pơkâ pêi 100 hơnăm mơjiâng Đảng ƀă pro chiâng tơdroăng tơmiât troh 100 hơnăm mơjiâng tơnêi têa.

Kăn xiâm pơkuâ hnê ngăn Đảng pơkâ thế Pơlê kong kân Hồ Chí Minh pơtối tối nhên hnoăng cheăng prôk ahdrối, pêi hdrối, pêi túa hdrối; nhên pơkâ ƀă tơdroăng pêi pro nhên tơdroăng cheăng, nhên hnoăng cheăng pôu râng, nhên tơdroăng pro; tơbleăng pêi tơƀrê mâu pơkâ tung la ngiâ ƀă tơkŭm po ƀlêi chiâng rôh tâ phĭu pôk Kăn Kuô̆k hô̆i hneăng XVI, Hô̆i đong hnê ngăn kuăn pơlê rêm râ, rak tơniăn, tro luât.

Kăn xiâm pơkuâ hnê ngăn cheăng Đảng pơkâ thế pơlê kong kân tơkŭm lêi tah mâu tơdroăng ki xơpá; mơnhông ‘na troăng hơlâ pro troăng prôk, kơxô̆ liăn pro; pơhlêh nếo túa pêi thăm mơnhông tiô troăng trâu hngế; mơdêk tơƀrê mâu troăng hơlâ tŏng gum xiâm; rêm hvêa chêng prôk mơjiâng mâu tíu xiâm liăn ngân, logistics, pơhlêh nếo tơmiât pêi rơkê ai troăng ngăn tung kơpong ƀă lâp plâi tơnêi.