A cheăm Xuân Nha, Đông mố đô̆i gâk tơkăng kong Chiềng Sơn tơrŭm ƀă mâu tíu pêi cheăng tơkŭm po tơdroăng “Rơnó Hơngui tơkăng kong, hơtôu tuăn mơno kuăn pơlê”, hbru tơmeăm ăm rơpŏng kơtiê, rơpŏng vâ chê kơtiê, rơpŏng châ tơnêi têa tŏng gum ƀă hok tro tâi tâng kơnâ lối 900 rơtuh liăn.

Ngế xiâm ngăn chiâk deăng ƀă Hyôh kong prâi mơnhên tối khât hiâm mơno pôu râng, tơdroăng tơrŭm dêi Mố đô̆i gâk tơkăng kong tung tŏng gum tơmeăm Têt ăm Kuăn pơlê, rak vế krá tơniăn tíu tơkăng kong. Rôh kố, khu ki pêi dêi hnoăng cheăng hiăng troh pôu, hbru tơmeăm ăm jâ Đỗ Thị Nghị, tiêuh khu 4, cheăm Chiềng Sơn, cho kơdrâi mố đô̆i ki hiăng hlâ; pôu, pêi cheăng a Vi ƀan hnê ngăn cheăm Chiềng Sơn.

Khu pêi dêi hnoăng cheăng dêi Khu xiâm ngăn ‘na Chiâk deăng ƀă Hyôh kong prâi hiăng hbru 30 kơxuô tơmeăm ăm 30 rơpŏng kơtiê, rơpŏng ki châ tơnêi têa gum, ngế pêi cheăng ai tơdroăng rêh ối pá puât a cheăm Chiềng Sơn, Lóng sập; diâp 500 rơtuh liăn ăm Khu râng liăn gum mâu kơtiê kong pơlê Sơn la.