Kăn hnê ngăn Vi ƀan kong pơlê mơnhên kheăn kơdeăn mâu tơdroăng mơ-eăm, tơdroăng châ tơƀrê dêi khu Mô đô̆i gâk tơkăng kong gâk kring hnoăng pơkuâ, rak krá tơdroăng gâk kring kơpong tơkăng kong; mơnhên tơdroăng tơrŭm krá tơniăn ƀă khu râ kăn pơkuâ hnê ngăn cheăng Đảng, khu râ kăn pơkuâ cheăm, gum mơnhông cheăng kâ – rêh ối pơlê pơla.

Tơdrêng amê pơkâ mâu tíu cheăng rak kơtăng tơdroăng gâk pêi cheăng hbrâ rơnáu tơplâ, mơdêk tơdroăng kơchăng, tơrŭm gâk kring tơniăn, tơniăn tung roh Têt. Ƀă khu râ kăn pơkuâ hnê  ngăn Đảng, khu râ kăn pêi cheăng Ia Lốp ƀă Ia Rvê, Kăn hnê ngăn Vi ƀan kong pơlê Dak Lak pơkâ thế hbrâ ‘nâi tơdroăng, rak ngăn tơdroăng rêh ối kuăn pơlê, gum mơjiâng tơkăng kong hơniâp lĕm, tơniăn, mơnhông mơdêk.