Pôa Phạm Minh Chính, Ngế pro xiâm hnê ngăn tơnêi têa ƀă pôa Hà Vĩ, Kăn teăng mâ hiăng rơtế hvái ngăn mâu tơdroăng mơnhông châ tơƀrê hôm dêi tơrŭm Việt Nam – Sinuâ tung hơnăm 2025; tơpui tơno ‘na mâu troăng po rơdâ, pêi pro châ tơƀrê tơdroăng hlê plĕng tơdjuôm dêi Khu râ kăn pơkuâ kân péa Đảng, péa tơnêi têa, mơdêk tơrŭm cheăng pơla péa pâ pơtối mơnhông a râ a ‘ngêi nếo tung la ngiâ.

Ngế pro xiâm hnê ngăn tơnêi têa pơkâ thế thăm tơrŭm cheăng păng ‘nâng, mơdêk tê mơdró pơla péa pâ tơdâng tơ’mô, krá tơniăn; peăng kong têa Sinuâ pro tơ’lêi hlâu ‘na ăm phêp tơmeăm pêi lo ing chiâk deăng, ká xi xŏng ƀă tơmeăm păn mơnăn mơnôa dêi Việt Nam tơxâng pơkâ tơtro; tŏng gum tơmeăm khoăng Việt Nam tê ngi kong têa Sinuâ troh kong têa ki ê.

Péa pâ xuân tơpui tơno ‘na tơrŭm rôe on tơhrik, mơnhông tíu tê mơdró ngi kong têa ê rơkê ƀă cheăng kâ tê mơdró tíu tơkăng kong a mâu kong pơlê ối a tơkăng kong.