Kố cho tơdroăng ki tơkŭm po kân má môi sap nah troh nôkố a mâu cheăm tơkăng kong Dak Wil, Thuận An, Thuận Hạnh, Quảng Trực ƀă Tuy Đức. Tơdroăng kố hiăng diâp lối 2.600 kơxuô tơmeăm ăm Kuăn pơlê, kăn ƀô̆, mố đô̆i; tơkŭm po mâu tơdroăng mơhno túa lĕm tro - ngê̆ thuât koh hâk Đảng, koh hâk rơnó Hơngui ƀă pơxiâm pro mâu kơpong kuăn pơlê rêh ối tơkŭm a cheăm Quảng Trực.

Thiếu tươ̆ng Trần Chí Tâm, phŏ pơkuâ hnê ngăn Đảng lêng Kuân khu 7, ăm ‘nâi, tơdroăng ki tơkŭm po tơdroăng “Rơnó Hơngui mố đô̆i” ƀă túa tơkŭm po kân sap nah troh nôkố cho vâ mơhno tơdroăng ki tơmâng ngăn khât dêi Đảng, Tơnêi têa ƀă khu lêng ƀă kuăn pơlê a cheăm; ing mê, veăng gum ‘mâi mơnhông, mơjiâng krá rơdêi “tơdroăng ki lĕm tro tung hiâm mơno kuăn pơlê” tíu xiâm dêi Tơnêi têa.