Phŏ Ngế pro xiâm hnê ngăn tơnêi têa kheăn kơdeăn tơdroăng mơ-eăm dêi kong pơlê, veăng gum mâu tơdroăng pá puât xua “kong prâi pro tơ’nhiê péa xôh’’; pơkâ pơtối tŏng gum tơdroăng rêh ối kuăn pơlê, ki má lối cho rơpŏng ai hnoăng tơnêi têa, rơpŏng kơtiê. Xông tơpui a roh pêi cheăng, pôa Hồ Quốc Dũng, Phŏ Ngế pro xiâm hnê ngăn tơnêi têa kheăn kơdeăn mâu tơdroăng châ tơƀrê ki kong pơlê hiăng châ; hơlêm ƀă mâu tơdroăng ki tro lŭp râ ó ‘’Kong prâi pro tơ’nhiê péa xôh’’ kong prâi pro.

Phŏ Ngế pro xiâm hnê ngăn tơnêi têa pói vâ khu râ kăn pơkuâ ƀă Kuăn pơlê cheăm Tuy Phước pơtối mơnhông khôi túa vâi krâ nah pơlê xiâm kăch măng khên tơnôu, tơkŭm tŏng gum tơdroăng rêh ối kuăn pơlê, ki má lối cho mâu rơpŏng ai hnoăng tơnêi têa, rơpŏng kơtiê. Ƀă tơdroăng tơmot chiâng môi kong pơlê Gia Lai, chiâng kong pơlê kân má péa lâp tơnêi têa, cheăm Tuy Phước kô ai tơ’nôm roh tơ’lêi mơnhông mơdêk drêng mâu troăng klông ki kal kêi đeăng, mơjiâng tơdjâk tơ’lêi hlâu ƀă tíu kơdrâm kuăn pơlê rêh ối cheăng kâ Quy Nhơn.

Roh kố, khu râ kăn pêi cheăng lăm pôu, diâp kơxuô tơmeăm on veăng mô đô̆i rong râ Nguyễn Thanh Mạnh – Dương Thị Bích Liên ƀă Nôu Việt Nam khên tơnôu Trương Thị Liên.