Dak Lak mơeăm pro klêi “Cheăng pêi thâ Quang Trung” hdrối Têt khôi hmâ
Thứ tư, 05:00, 31/12/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Klêi kơ’nâi môi khế tơbleăng tơdroăng Cheăng pêi thâ Quang Trung pro hngêi ối ăm kuăn pơlê kơpong khía mơhot têa kân lân lu, Dak Lak dế mơeăm tơbleăng ƀă hiâm mơno mơeăm rĕng pro kêi.
Troh nôkố, kong pơlê Dak Lak hiăng pro ƀă ‘mêng klêi vâ chê 900 toăng hngêi ki tơ’nhiê râ. Ƀă 606 toăng hngêi tro tơhnâp, kơtong ƀă têa mơhiu, tâi tâng hiăng châ pro nếo; troh nôkố 6 toăng hiăng pro klêi ƀă hiăng pơcháu ăm rơpŏng kuăn pơlê, ki u ối dế châ mố đô̆i pro klêi tiô pơkâ.
Kăn pơkuâ kong pơlê Dak Lak tối rơdêi khŏm mơeăm pro klêi tâi tâng hngêi hdrối Têt khôi hmâ vâ kuăn pơlê rĕng tơniăn ai tíu ối, tơdah Têt tung mâu toăng hngêi ki krá kâk, tơniăn lĕm.
Viết bình luận