Tung kơthô ai chêh: Drêng pôa châ rah xo pro kăn hnê ngăn Tíu xiâm Đảng Nhân yân kăch măng Lếo hneăng 12, teăng mâ Khu kăn Tíu xiâm Đảng Kŏng sản Việt Nam, a pơtroh rơkong rơkâu kơ pôa tơdroăng ki lĕm má môi. Xua loi khât hên ngế cheăng tung tíu xiâm Đảng, tâi tâng kuăn pơlê chiâng rah xo mơhno tuăn loi krá kak a hnoăng pơkuâ rơkê dêi Đảng Nhân yân Kăch măng Lếo tung troăng pêi pro mơjâng ƀă kring vế tơnêi têa.

Rôh kô, nhoăm rơkâu pôa pơtối pêi châ tơƀrê hên hnoăng cheăng ki pơcháu tung pơla pro kăn, pơtối ai hên hnoăng veăng ‘no  tung tơdroăng cheăng kăch măng i lĕm dêi Đảng, Tơnêi têa ƀă kuăn pơlê Lếo, rơtế ƀă mâu kăn xiâm ƀă Kuăn pơlê dêi péa tơnêi têa Lếo - Việt Nam pơtối tơbêng, pro trâu tâ nếo tơrŭm cheăng ki kân, môi tuăn malối, tơrŭm tung tŭm tơdroăng, tơrŭm krá pơla Việt Nam - Lếo.