Mâu tơmeăm châ mơnhên kơtăng khât tiô Khu xiâm pơkâ OCOP ; hlối tơkŭm séa ngăn a mâu tíu pêi pêt, mơjiâng pro vâ tơniăn, tơdrăng, tro tiô pơkâ. Tung pơla châm điêm tơkŭm tối ki lĕm lơ ôh, tung pêi pêt, mơjiâng pro, tơdroăng ‘na tăng mơnhên xiâm rêi pêt, xiâm rêi pro, túa pro tơdrong tâ hôm mơnâ mâ ƀă ngăn hôm rơkê tung tơdroăng mơjiâng inâi dêi tơrêm mơngế pơkuâ cheăng.

Tung 10 tơmeăm pêi lo châ pơxá 4 hơlŏng, mê ai: 6 tơmeăm pro ing kơphế kơ-óu ƀă kơphế ki hâi tá hơ’lâk ki klâi; 1 túa kơƀăn Bột lọc Đạt Lý; 2 tơmeăm OCOP Bún khăng Chi Lăng ƀă Phơh khăng Chi Lăng ƀă 1 tơmeăm  cho krui kơxái kơtôu drêh. Troh nôkố lâp tung kong pơlê Dak Lak hiăng mơnhên 764 tơmeăm OCOP, tung mê ai 2 tơmeăm 5 hơlŏng, 60 tơmeăm 4 hơlŏng. Hên tơmeăm ki xiâm môi tiah kơphế, kơxu, mắc-ca, loăng plâi kâ chôa lâng mơhno tíu ối tơná tung kơchơ mơdró tơnêi têa ƀă la ngiâ kô châ tê ăm kong têa ê.