Hơnăm 2025, ôm hyô Gia Lai pơtối tơtêk hôm ƀă lối 12 rơtuh roh tơmối, tâk 17% tâng pơchông ƀă hơnăm hdrối; tâi tâng pêi lo liăn châ dâng 29.000 rơtal liăn. Hơnăm 2026, Gia Lai mơ-eăm tơdah 15 rơtuh roh tơmối, tâk 21% tâng pơchông ƀă hơnăm 2025; tâi tâng pêi lo liăn ôm hyô châ dâng 35.000 rơtal liăn.

Vâ châ pơkâ kố, rơtế ƀă tơdroăng tơtêk dêi hơnăm 2025, kong pơlê kô pơtối mơ’no liăn pro troăng klông, hngêi ối pơtê, mơdró ƀă mơdêk ki rơkê mơngế pêi ôm hyô. Jâ Nguyễn Thị Kim Chung, Phŏ Kăn pơkuâ Khôi túa lĕm tro Tơ’noăng ivá ƀă Ôm hyô kong pơlê Gia Lai tối ăm ‘nâi, hơnăm ôm hyô 2026 a Gia Lai ối châ pêi pro xua 155 tơdroăng ki kal, tung mê ai 21 tơdroăng ki kal xua Khu xiâm mơhno khôi túa lĕm tro, Tơ’noăng ivá ƀă Ôm hyô tơkŭm po, 34 tơdroăng ki kal tơrŭm ƀă mâu kong pơlê, pơlê kong kơdrâm ƀă 100 tơdroăng ki kal xua kong pơlê pơkuâ.