A roh leh, teăng mâ khu râ kăn pơkuâ Đảng, Tơnêi têa, pôa Phạm Minh Chính, Ngế pro xiâm hnê ngăn tơnêi têa hiăng diâp Mê dái pêi cheăng ối má môi ăm khu pú hên Kŏng ti xiâm Pơchoh chêp ếo pơtâk 10, kheăn kơdeăn mâu tơdroăng châ tơƀrê hâk tơngăm ki mâu rơxông “mơngế pêi cheăng pơchoh ếo pơtâk 10’’ mơ-eăm tung plâ 80 hơnăm hiăng hluâ.

Ngế pro xiâm hnê ngăn tơnêi têa loi tơngah ƀă khôi vâi krâ nah khên tơnôu, Kŏng ti xiâm Pơchoh chêp ếo pơtâk 10 pơtối ‘’Tơrŭm môi tuăn – Pêi cheăng tiô pơkâ tơniăn – Pơhlêh nếo – Mot tơrŭm cheăng – Tơmiât pêi rơkê – Mơnhông mơdêk krá tơniăn’’, pơtối tơdjêp xŏn ‘’kơxái prế mêa’’ teăn tơdroăng la ngiâ mơnhông châ tơbrê hluâ pơkâ, mơ-eăm mơnhông mơdêk rế krá tơniăn ó rơdêi, veăng gum tơxâng tơdroăng kal vâ mơjiâng tơnêi têa kro mơdrŏng, mơnhông tơtêk, rơkê, hơniâp lĕm.