Kố cho mâu toăng hngêi ki apoăng tung rôh “Pơplâ Quang Trung” hiăng pro klêi hlối pơcháu a Dak Lak. 5 toăng hngêi xua Sư đoân Bộ binh 10, Kuân đoân 34 ki pro, pơcháu ăm mâu rơpŏng kuăn pơlê a thôn Trung  Hòa ƀă thôn Đông Hòa, cheăm Sơn Hoà. Tung lối 3 măng tĭng pro, Sư đoân Bộ binh 10 hiăng tơrŭm krá  ƀă mâu râ kăn, mâu kăn cheăm bêng kong pơlê, Khu rak ngăn tơdroăng tơkêa bro ƀă mâu khu ki pơkuâ ‘na mơjiâng pro; môi tuăn ƀă mâu rơpŏng kuăn pơlê ‘na troăng hơlâ tơmeăm pro, tơkŭm mơjiâng pro sap ing hâi lơ 6/12/2025.

Troh nôkố, rêm toăng hngêi hiăng pro kêi ƀă ki rơdâ 44m2, tâi tâng kơxô̆ liăn 170 rơtuh liăn/toăng hngêi, xua tơnêi têa veăng kum vâ chê 300 hnoăng pêi cheăng dêi mố đô̆i ƀă veăng kơjo kum dêi kuăn pơlê. 5 hơnăm tơrŭm ƀă mâu kong pơlê Dak Lak, Gia Lai ƀă Khánh Hòa pơcháu hngêi rôh má 1 ăm 123 rơpŏng ƀă 123 toăng hngêi. Tung mê, Dak Lak hên má môi ai 90 toăng hngêi.