Xông tơpui a tơdroăng pêi cheăng, pôa Vũ Hồng Thanh, Phŏ Kăn hnê ngăn Kuô̆k hô̆i kheăn kơdeăn Vi ƀan Măt trâ̆n Tơnêi têa Việt Nam mâu râ, Tổng Liên đoân Pêi cheăng Việt Nam, Liên đoân Pêi cheăng kong pơlê Quảng Ngãi ƀă mâu khu tơrŭm cheăng hiăng hbrâ mơhnhôk kơxô̆ liăn ing pơlê pơla, tơkŭm po hên tơdroăng ki pơxúa tŏng gum Têt ăm kŏng nhân, mơngế pêi cheăng, rơpŏng kơtiê, rơpŏng ai hnoăng tơnêi têa ƀă mâu ngế ki ôh tá hro tung pơlê pơla.

Tối nhên hnoăng cheăng tung la ngiâ, pôa Vũ Hồng Thanh, Phŏ Kăn hnê ngăn Kuô̆k hô̆i pơkâ thế Măt trâ̆n Tơnêi têa ƀă mâu râ Kŏng đoân pơtối séa ngăn tíu pêi cheăng, teăm tơdrêng ‘nâi tơdroăng tơmiât kuăn pơlê, tơdroăng pói vâ dêi Kuăn pơlê ƀă mơngế pêi cheăng; hbrâ tơbleăng, pơkâ troăng pêi ki pơxúa, châ tơƀrê vâ rak ngăn tơtro tâ tơdroăng rêh ối kế tơmeăm khoăng, hiâm mơno ăm đoân viên, kŏng nhân, mơngế pêi cheăng.