Jâ Phúc Bình Niê Kdăm ối pro Phŏ hnê ngăn Hô̆i đong kuăn pơlê kong pơlê Dak Lak
Thứ sáu, 05:00, 13/02/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxo 12/2, a rôh hôp chuyên đề rôh má pơtăm, Hô̆i đong kuăn pơlê dêi kong pơlê Dak Lak hneăng 10, hneăng hơnăm 2021-2026 hiăng rah xo tơ’nôm inâi Phŏ kăn hnê ngăn hô̆i đong kuăn pơlê kong pơlê Dak Lak hneăng 10, hneăng 2021-2026 ƀă jâ Phúc Bình Niê Kdăm.
Jâ Phúc Bình Niê Kdăm kot mâ lơ 8/9/1983, kuăn ngo Rơđế, pơlê xiâm cheăm Ea Pôč, tơring Čư̆ Mgar, kong pơlê Dak Lak (nôkố cheăm Quảng Phú, kong pơlê Dak Lak); hriâm troh cưh nhân luât, cưh nhân kinh tế, cao cấp lí luâ̆n chĭn trĭ.
Hdrối vâ châ pôk pro Phŏ hnê ngăn Hô̆i đong kuăn pơlê dêi kong pơlê, jâ cho Tỉnh ủy viên, Phŏ pơkuâ ngăn tơdroăng cheăng kal kí ƀă hnê mơhnhôk tỉnh ủy Dak Lak. Klêi tâ phĭu ăm hlo a rôh hôp chuyên đề rôh má pơtăm châ Hô̆i đong kuăn pơlê dêi kong pơlê Dak Lak tơbleăng tro tiô pơkâ.
Hô̆i đong kuăn pơlê dêi kong pơlê pơcháu ăm Ngế pơkuâ Hô̆i đong dêi kong pơlê pê klêi mâu hlá mơ-éa kal tơdjak troh vâ pơtroh ăm Vi ƀan pơkuâ cheăng Kuô̆k hô̆i kĭ pơkâ dêi luât.
Viết bình luận