Teăng mâ mâu kăn pơkuâ Đảng, Tơnêi têa pơtroh rơkong rơkâu hơnăm nếo lĕm tro má môi troh Đảng ƀô̆ khu râ kăn pơkuâ kuăn pơlê mâu hdroâng mơngế tung kong pơlê, pôa Tô Lâm, Kăn xiâm pơkuâ hnê ngăn Đảng tối mâu tơdroăng pá puât dêi kong pơlê tung hơnăm hiăng hluâ, mơhé tiah mê, Kăn xiâm pơkuâ hnê ngăn Đảng xuân tối, ƀă troăng pêi, tíu pêi cheăng ƀă tíu pêi cheăng ton xŏn dêi kong pơlê, Dak Lak thế châ mơnhên a môi tơdroăng ki tơtro kân tâ.

Kăn xiâm pơkuâ hnê ngăn Đảng xuân tối, ƀă troăng pêi ki kân, tíu pêi cheăng ƀă tíu cheăng ton xŏn dêi tơná, Dak Lak thế châ mơnhên a môi tơdroăng ki hên tâ. Kăn xiâm pơkuâ hnê ngăn Đảng pơkâ kong pơlê tah lôi mâu tíu ki kreăng ‘na troăng pơkâ pêi, ki xiâm cho tơnêi pêi chiâk deăng - cheăng kâ rak ngăn kong, tơdrêng amê pro tơniăn tíu tê mơdró. Xua kố cho pơkâ mơnhông cheăng kâ, rế cho tơdroăng tơniăn kal kí – rêh ối pơlê pơla ƀă pro krá hiâm mơno kuăn pơlê.

Kăn xiâm pơkuâ hnê ngăn Đảng pơkâ thế Dak Lak tơkŭm tơniăn krá gâk kring tơnêi têa – kring tơniăn, rak tơniăn kal kí – rêh ối pơlê pơla tung rêm tơdroăng cheăng, ngăn kố cho xiâm kối ôh tá păng teăng dêi mơnhông krá tơniăn; ki rơhêng vâ tối pơtối mơjiâng khu râ kăn pơkuâ pêi pro, hdreăm hôu mâu ngế pro xôi, pêi cheăng tơdrăng ƀă pôu râng hnoăng cheăng troh tá tui lui, tro hiâm mơno Hneăng hôp má XIV dêi Đảng.