Tơbleăng a rôh leh, ngế pro xiâm hnê ngăn Tơnêi têa tối nhên kố cho tơdroăng leh kân ai pơxúa “pakĭng rôh hôp’’. Pơtroh ing rôh hơ’lêh troăng hơlâ dêi Đảng pơxiâm tơbleăng, xua môi tơmeăm mơnhông liăn ngân - kŏng ngê̆ nếo nôkố, veăng mơnhông dêi tơnêi têa.

Ngế pro xiâm hnê ngăn tơnêi têa pơkâ thế Chin phuh ƀă mâu khu xiâm, kơvâ cheăng thâ pê klêi luâ tơdroăng, tơdâng hlối tơtro ƀă pơkâ dêi lâp plâi tơnêi; teăm tah ki tơvâ tơvân tro luât, pro hlá mơ-éa; pêi ahdrối tăng liăn rak tơmeăm khoăng kơxô̆, liăn ngân lĕm tro; ‘no liăn hên a tơdroăng rak tơniăn ‘na liăn ngân, xúa AI ƀă Big Data tung tơdroăng séa ngăn xâu lơ ôh tá mơhúa.

Ngế pro xiâm hnê ngăn tơnêi têa pơkâ thế Vi ƀan kuăn pơlê dêi Pơlê kong kân Hồ Chí Minh rĕng tơbleăng mơjiâng Tíu xiâm ƀă tơmeăm khoăng lĕm tiô túa lĕm, ăm phêp ‘măn rak tâi mâu hlá mơ-éa, kơxô̆ liăn nâp tơbriât cheăng ƀă luât pơkâ kơjo kum tơƀrê, vâ tơ’mot hên khu ‘no liăn cheăng, châ ‘mot a Tíu xiâm chiâng tơdroăng ki vâ mơnhông tơƀrê khât dêi tơnêi têa.