Pôa Trịnh Văn Quyết séa ngăn tơdroăng cheăng hbrâ tâ phĭu a Gia Lai
Thứ tư, 11:00, 11/02/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê lơ 10/2, a bêng Quy Nhơn, kong pơlê Gia lai, pôa Trịnh Văn Quyết, ngế cheăng tung tíu xiâm Kal kí, ngế pơkuâ cheăng tơdroăng kal tơnêi têa ƀă hnê mơhnhôk cheăng xiâm pơkuâ hâi pêi cheăng, séa ngăn, tăng ngăn tơdroăng hbrâ tâ phĭu rah xo kăn Kuô̆k hô̆i hneăng 16 ƀă mâu kăn Hô̆i đong kuăn pơlê rêm râ hneăng hơnăm 2026-2031.
Tiô tối tơbleăng, troh hâi lơ 10/2, kong pơlê Gia Lai hiăng pêi klêi tơdroăng mơjiâng khu hnê mơhno ƀă Vi ƀan Tâ phĭu kong pơlê; 135 to cheăm, bêng mơjiâng tŭm Vi ƀan Tâ phĭu rah xo tiô pơkâ. Lâp tung kong pơlê ai 2.179 kơpong tâ phĭu ƀă mâu tôh tâ phĭu châ riân ngăn tro tiô kơxô̆, tiô inâi kuăn pơlê vâ chê 2,6 rơtuh ngế.
Tơbleăng hnê mơhno, pôa Trịnh Văn Quyết pơkâ thế pơtối tơmâng khât tâ nếo, môi tuăn tung kuăn pơlê; mơdêk hnê tối ‘na hnoăng pêi pro, tơdroăng cheăng pêi tung kuăn pơlê; pro hlâu ăm mâu ngế ki vâ lo tơbriât pro kăn châ trâm mâ kuăn pơlê, hbrâ nhên hneăng hôp tơpui roh má pái, tơniăn rah xo inâi mâu kăn kơhnâ rơkê, mâu ngế ki tơxâng.
Viết bình luận