Xông tơpui mơgêi roh pêi cheăng, Đăi tươ̆ng Trịnh Văn Quyết kheăn kơdeăn tơdroăng ki hbrâ, tơtro dêi kong pơlê Quảng Ngãi tung tơdroăng hbrâ tâ phĭu rah xo kăn pơkuâ. Đăi tươ̆ng Trịnh Văn Quyết pơchân tối, hneăng tâ phĭu kố tơkŭm po tung pơla kong pơlê pêi pro khu râ kăn pơkuâ cheăm, kong pơlê péa râ, klêi kơ’nâi rah xo ăm lĕm tro tíu pêi cheăng tơnêi têa, kơpong kân rơdâ, mâu kăn ƀô̆ roh apoăng veăng tơdroăng tâ phĭu.

Xua mê, kong pơlê Quảng Ngãi kal pơtối thăm hnê pơtâp tơdroăng cheăng, séa ngăn krá tơniăn inâi mơngế ki lăm tâ phĭu, ki má  lối a mâu kơpong kơmăi kơmok ai kơxô̆ mơngế tâ phĭu hên.