Kơxê lơ 10/2, a Hà Nội, hbrâ tơdah Rơnó Hơngui Bính Ngọ 2026, pôa Tô Lâm, Kăn xiâm pơkuâ hnê ngăn Đảng, Kăn hnê ngăn Lêng Xiâm, hiăng veăng hôp ƀă pơkuâ hâi trâm mâ mâu kăn lêng, sih koan râ kăn lêng ki hiăng pơtê cheăng hơnăm hiăng krâ. A rôh trâm mâ, Kăn xiâm pơkuâ hnê ngăn Đảng rơkâu hơnăm nếo,  ivá mo lĕm troh mâu kăn; hlối tối tơdroăng púi vâ ‘na tơdroăng tung lâp plâi tơnêi, tung kơpong, mâu tơdroăng ăm hlo ki tơƀrê tung hneăng hôp kân má 13, tơdroăng ăm hlo dêi hneăng hôp kân 14 ƀă mâu tíu ki nếo tung tuăn tơmiât, troăng hơlâ mơnhông tơnêi têa tung la ngiâ.

Pôa Tô Lâm, Kăn xiâm pơkuâ hnê ngăn Đảng tối nhên kal pơtối mơjiâng mâu lêng kuăn pơlê hơ’lêh nếo, rơkê plĕng, tiô túa nếo tung chal  mơnhông tơná dêi hdroâng mơngế, ai tiô púi vâ pêi cheăng kring vế Tơnêi têa tung tơdroăng nếo nôkố.

Kăn xiâm pơkuâ hnê ngăn Đảng tối lo khât troăng hơlâ kal kí, túa pêi cheăng rơkê khât, mâu kăn lêng, sih koan xiâm ki hiăng pơtê cheăng xúa hơnăm hiăng krâ kô pơtối veăng hnê tối hên tá hiâm mơno, tối tơdrăng ăm tơdroăng cheăng mơjiâng, ‘mâi hơ’lêh Đảng, mơjiâng khu lêng tơplâ dêi kuăn pơlê krúa lĕm, rơdêi, môi tuăn ƀă Đảng, Tơnêi têa ƀă kuăn pơlê.