Pôa Phạm Minh Chính, Ngế pro xiâm hnê ngăn tơnêi têa pơkâ thế péa tơnêi têa pơtối kơjo po rơdâ, mơdêk tơdroăng pêi cheăng mâu kơpong hngêi kơmăi kơmok Việt Nam – Singapore (VSIP) tiô troăng rơxông nếo, hlối cheăng kơmăi kơmok ƀă mơdró, kơmăi kơmok rơxông nếo ƀă tíu kơdrâm kuăn pơlê rêh ối tê mơdró ai tơrŭm dêi pó; mơ-eăm châ 30 VSIP tung hơnăm 2026.

Péa pâ môi tuăn mơdêk tơrŭm gâk kring tơnêi têa – kring tơniăn, hbrâ, mơdât mơngế ki xôi prôk tơkâ hluâ tơnêi têa, tơniăn tơdroăng hơniâp lĕm, tơniăn ăm mơnhông mơdêk; thăm tơrŭm hnê mơjiâng, mơnhông mơngế pêi cheăng, ki má lối cho khu kăn pơkuâ râ pêi cheăng ton xŏn; po rơdâ hnoăng liăn hriâm rơkê Việt Nam ƀă mơdêk trâm mâ pơla kuăn pơlê.

Pôa Lawrence Wong, Ngế pro xiâm hnê ngăn kong têa Singapore rơkâu châ tơƀrê Hneăng hôp XIV dêi Đảng Kŏng sản Việt Nam, mơnhên loi tơngah a tơmeăm ki ai hlâu, tơdroăng pói tơngah tơtêk dêi Việt Nam ƀă Tơkêa pơtối po rơdâ mơ’no liăn cheăng.