Dak Lak hiăng klêi chêh inâi mâu kăn ki vâ to pro kăn Kuô̆k hô̆i ƀă Hô̆i đong hnê ngăn kong pơlê
Thứ tư, 05:00, 11/02/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - A rôh hôp môi tuăn rôh má 3 po a kơxo hâi lơ 10/2, Vi ƀan Măt trâ̆n Tơnêi têa Việt Nam kong pơlê Dak Lak hiăng môi tuăn ƀă inâi mâu ngế ki ai tŭm tơdroăng ki vâ to pro kăn Kuô̆k hô̆i hneăng XVI ƀă Hô̆i đong hnê ngăn kong pơlê Dak Lak hneăng XI, hơnăm 2026 – 2031.
Ing rôh hôp môi tuăn, rôh hôp hiăng chêh inâi 19 ngế ai tŭm tơdroăng ki vâ to pro kăn Kuô̆k hô̆i hneăng XVI ƀă 141 ngế ai tŭm tơdroăng vâ pro kăn Hô̆i đong hnê ngăn kong pơlê Dak Lak hneăng XI, hơnăm 2026 – 2031. Inâi châ tơkêa rak vế tơniăn tro pơkâ, tro tơdroăng tiô pơkâ, mơdêk hnoăng cheăng dêi Măt trâ̆n Tơnêi têa tung chêh tơkŭm, tối tơbleăng hiâm mơno, tuăn mơno púi vâ dêi kuăn pơlê.
Klêi kơ’nâi rôh hôp, Vi ƀan Măt trâ̆n Tơnêi têa Việt Nam kong pơlê Dak Lak kô chêh pro klêi hô sơ, inâi ngế ki ai tŭm tơdroăng vâ to pro kăn, pơtroh ăm kơ koan ai hnoăng pơkuâ tro troăng hơlâ, hâi khế pơkâ.
Viết bình luận