Tơpui a rôh leh pơxiâm pro tơdroăng tơkêa Hngêi trung râ má môi Cẩm Thạch, pôa Phạm Minh Chính, Ngế pro xiâm hnê ngăn tơnêi têa tối nhên, kố cho tơdroăng ki kal ai pơxúa trâu hngế khât; pêi pro nhên troăng hơlâ tŏng gum dêi Đảng ƀă Tơnêi têa, mơhno tơdroăng tơmâng ngăn, khŏm mơ-eăm dêi kong pơlê Thanh Hóa ƀă tơdroăng rơtế prôk dêi khu mơdró kâ tung tơdroăng tŏng gum ăm tơdroăng cheăng “hnê mơngế “, veăng gum pro pơhlêh nhên, mơdêk ki rơkê plĕng tung hnê hriâm dêi kong pơlê.

Ngế pro xiâm hnê ngăn tơnêi têa pơkâ thế tơkŭm pêi pro klêi tơdroăng ki pro hngêi trung hdrối hâi 31/8/2026. Tối nhên tung la ngiâ ah, ƀă tơdroăng ki tơmiât mơnhông cheăng kâ tro ƀă tơdroăng ki pro, pơlê pơla tơdâng tơ’mô, kơdroh kơtiê ƀă mơdêk ki rơkê plĕng tung rêh ối, hiâm mơno dêi kuăn pơlê; mâu tơdroăng pêi pro tơƀrê mơnhông pơrá tơmiât troh vâ gum kuăn pơlê, Ngế pro xiâm hnê ngăn tơnêi têa pơkâ thế tơbleăng pêi tơƀrê Pơkâ Hneăng hôp Đảng lâp tơnêi têa rôh má XIV, Pơkâ Đảng ƀô̆ kong pơlê Thanh Hóa hơnăm 2025 – 2030.