Tơdroăng tơkêa pro hngêi trung kố a ƀăng tơnêi vâ chê 6ha, ai 18 lâm ƀă 630 ngế hok, ai tŭm lâm hriâm, tíu pơchuât mơ-éa, hngêi ki tơkŭm hên tơdroăng ƀă kơpong kâ koi ối pơtê ăm 320 ngế hok tro; tâi tâng kơlo liăn pro cho 150 rơtal xua mâu khu mơdró kâ ối Khu xiâm pơkuâ ngăn lêng gum.

Drêng hngêi trung hiăng pro klêi kô mơdêk tơdroăng ki tơ’lêi hlâu tung hnê ƀă hriâm ăm vâ chê 700 ngế hok tro kơpong tơkăng kong, kơpong hdroâng kuăn ngo. Tơpui a rôh leh, Kăn xiâm pơkuâ hnê ngăn cheăng Đảng tối rơdêi hnê mơhriâm ƀă hnê mơjiâng tuăn ngôa rơkê cho tơdroăng ki kal xiâm, pơkâ thế Khu xiâm pơkuâ ngăn lêng rak tơniăn tro tơdroăng pro, ki dâi lĕm dêi hngêi trung; hlối pơkâ thế kong pơlê Dak Lak, kơvâ hnê hriâm ƀă kăn pơkuâ kong pơlê hbrâ rơnáu tro mâu ngế cheăng, tơdroăng pơkuâ ngăn, xúa tơƀrê hngêi trung tơmeăn klêi kơ’nâi hiăng pro klêi.

Klăng rôh hbrâ rơnáu Têt Lo hơnăm nếo Bính Ngọ 2026, Pôa Tô Lâm, Kăn xiâm pơkuâ hnê ngăn Đảng hiăng pôu, rơkâu Têt kăn ƀô̆, mố đô̆i Đông mố đô̆i gâk tơkăng kong Ea Hleo, đông lêng dế pêi dêi hnoăng cheăng a kơpong tơkăng kong dêi kong pơlê Dak Lak.