Tơbleăng a rôh pơxiâm po, jâ Nguyễn Thị Thanh, Phŏ kăn xiâm hnê ngăn Kuô̆k hô̆i tối nhên, bú ối 1 khế nếo, kuăn pơlê tung lâp tơnêi têa kô mot tung hâi leh kân dêi tâi tâng kuăn pơlê: Hâi tâ phĭu rah xo kăn Kuô̆k hô̆i hneăng 16, Kăn hnê ngăn Hô̆i đong kuăn pơlê  rêm râ hneăng 2026-2031.

Kố cho tơdroăng ki kal kân dêi tơnêi têa, tíu ki kuăn pơlê pêi pro hnoăng cheăng rah xo mơngế ki vâ teăng mâ tơxâng teăng mâ ăm tơná vâ  pơkâ mâu tơdroăng ki kal dêi tơnêi têa ƀă kong pơlê. A roh hôp, mâu ngế lo tơbriât pro kăn tơmâng mâu ngế tối tơbleăng ‘na Kuô̆k hô̆i, tơdroăng tâ phĭu rah xo kăn Kuô̆k hô̆i.

Tơdroăng mơjiâng, túa rah xo tơdroăng pêi pro dêi mơngế ki lo tơbriêt pro kăn Kuô̆k hŏi; veăng ai mâu kơdrâi kuăn ngo cheăng a Kuô̆k hô̆i; pơcháu ƀă kơ koan chêh hlá tơbeăng ƀă mâu ngế cheăng tối tơbleăng ‘na tơdroăng tâ phĭu.