Ngế pro xiâm hnê ngăn tơnêi têa tối, tung hơnăm 2025, Chin phuh hiăng hnê mơhno pêi kơtăng, pơkâ hên luât, luât tah xơpá ăm kơchơ mơdró, malối ‘na hngêi ối pơlê pơla; troh nôkố hiăng pro klêi lối 100 toăng hngêi. Ƀă xiâm dêi tơdroăng pêi nôkố, pơkâ pro klêi 1 rơtuh toăng hngêi ối a pơlê pơla a hơnăm 2028 kô châ rĕng tâ tiô tơdroăng tối hdrối ai 2 hơnăm. Laga, Ngế pro xiâm hnê ngăn tơnêi têa tối nhên dế pơkâ troăng ki nếo, malối cho ‘na hngêi ối dêi khu pêi lo liăn iâ tơdâng - ki vâ tối ôh tá ai liăn vâ rôe.

A rôh hôp, Ngế pro xiâm hnê ngăn pơkâ thế Khu hnê mơhno môi tuăn, tơkŭm tơpui tơno troăng hơlâ mơnhông ‘na tơdroăng mê, hlối tăng liăn rôe hngêi ăm hên khu râ pơlê pơla, tơniăn hnoăng rêh ối ôh tá pơrah tung tơdroăng tơdah xo hngêi ối dêi kuăn pơlê, veăng pro tơniăn rêh ối ƀă mơnhông  krá ton.