Hneăng tâ phĭu drêng kố, kong pơlê Gia Lai ai 28 ngế ko tơbriât pro kăn Kuô̆k hô̆i vâ kuăn pơlê rah xo 16 ngế kăn; ai 138 ngế lo tơbriât a 18 tíu tâ phĭu rah xo 85 ngế kăn Hô̆i đong kuăn pơlê hneăng má 13; tơdrêng ƀă lối 5.100 ngế lo tơbriât vâ kuăn pơlê rah xo 3.000 ngế kăn Hô̆i đong kuăn pơlê rêm râ. Troh nôkố, Vi ƀan tâ phĭu kong pơlê Gia Lai hiăng pê klêi mâu tơdroăng hbrâ, tơniăn mâu tơdroăng vâ tâ phĭu rah xo kăn tro tiô pơkâ.

Ƀă tơdroăng hbrâ nhên, hâi tâ phĭu lơ 15/3 châ tơngah chiâng hâi leh môi tuăn, cho tíu ki rêm hlá phĭu pơtoh ăm tuăn loi rah xo mâu kăn ai hiâm mơno lĕm tơdrăng, tuăn châ hlê, hlối rơkê vâ teăng mâ ăm tuăn tơmiât púi vâ dêi kuăn pơlê a cheăm bêng, kong pơlê.