Pơtối mê, nôkố, lâp tơnêi têa ai vâ chê 79 rơtuh ngế tâ phĭu, a lối 72 rơpâu kơpong tâ phĭu, ƀă tơdroăng tơkŭm po tâ phĭu châ hbrâ tŭm tâi tâng ing Tơnêi têa troh a cheăm.

Xông tơpui a roh pêi cheăng, pôa Trần Thanh Mẫn, Kăn xiâm hnê ngăn Kuô̆k hô̆i tối ăm ‘nâi, Kăn xiâm hnê ngăn Kuô̆k hô̆i pơkâ thế kal rak tơniăn păng ‘nâng hnoăng gâk kring, tơniăn ăm roh tâ phĭu. Mâu kơ koan cheăng hbrâ ‘nâi tơdroăng, thăm pêi pro mâu troăng tơniăn gâk kring kal kí, tơniăn a mâu tíu tâ phĭu, pêi pro teăm tơdrêng châ hlo ƀă tơleăng mâu tơdroăng ki nếo ai; tơtrŏng tơplâ, mơdât mâu tơdroăng ki ôh tá tro, tối lu lêa tung trăng măng, ôh tá lôi mâu ngế ki ‘mêi pro pơxúa ăm dêi tơná tung tơdroăng tâ phĭu vâ pro ôh tá tơniăn; rêm kơpong tâ phĭu thế châ rak tơniăn, tơ’lêi hlâu vâ mơngế ki tâ phĭu pêi pro hnoăng pơkuâ ƀă hnoăng pêi cheăng dêi tơná.

Tung hâi tâ phĭu lơ 15/3, thế rak tơdroăng tơbleăng rĕng, teăm tơdrêng; mâu Tiêuh ƀan dêi Hô̆i đong Tâ phĭu Tơnêi têa kal hbrâ tŭm mâu troăng vâ tơleăng drêng ai tơdroăng ôh tá tro tung hâi Tâ phĭu.