Kố châ ngăn cho troăng prôk ki kal vâ tah lôi pá puât, mơdêk ki châ tơƀrê xúa long rơchôa hno têa Ia Mơr – tơmeăm rơchôa hno long têa hdoăng ki kân má môi a kơpong Tây Nguyên. Tơdroăng tơkêa bro xua Khu pơkuâ Mơ’no liăn cheăng ƀă Mơjiâng long rơchôa hno têa 7 pơkuâ mơ’no liăn pro.

Hô sơ pơhlêh xúa kong hiăng châ pêi pro tiô pơkâ dêi Luât cheăng kong ƀă mâu pơkâ ki tơdjâk; tơdrêng amê khu ki mơ’no liăn mơjiâng pro hiăng pêi kêi đeăng hnoăng cheăng pơcháu nâp liăn pêt kong teăng tiô pơkâ.

Tơdroăng rĕng kêi đeăng hno long rơchôa têa châ pói tơngah kô gum po rơdâ ƀăng tôh, mơnhông ki châ tơƀrê long têa Ia Mơr, gum rak tơniăn bê têa tôh tơmeăm pêi lo ing chiâk deăng ƀă mơnhông cheăng kâ – rêh ối pơlê pơla kơpong peăng mâ hâi Luô kong pơlê Gia Lai.