Hâi lơ 2/7, a Đà Lạt, pôa Nguyễn Đình Khang, Ngế xiâm ngăn Kuăn ngo ƀă Loi tĭng pêi cheăng ƀă Vi ƀan Kuăn pơlê dêi kong pơlê Lâm Đồng ‘na tơdroăng hiăng klêi pêi Tơdroăng pơkâ dêi tơnêi têa mơnhông cheăng kâ rêh ối kơpong Kuăn ngo ƀă kong ngo. Kơ’nâi 5 hơnăm tơbleăng, kong pơlê hiăng kơdroh dâng 50.000 rơpŏng kơtiê, pêi lo liăn riân tiô kơpong kuăn ngo châ 45-47 rơtuh liăn/ngế/hơnăm.

Troh mơ’nui khế 5/2026, kong pơlê xo liăn ngân lối 827 rơtal liăn, hlối pơtroh lối 318 rơtal liăn ăm troh hơnăm 2026 vâ pơtối pêi pro. Pôa Nguyễn Đình Khang pâ thế kong pơlê Lâm Đồng tơkŭm tah tơvâ tơvân tung xo liăn ngân, mơdêk xoăng râ, pêi ahdrối mơnhông  tơbleăng pêi tíu mơ’no têa krúa, pro on tơhrik, krâ on bâ eăng ƀă pro hngêi ối ăm rơpŏng xơpá, veăng kơdroh kơtiê krá ton ăm kơpong kuăn ngo.