Tiô tơbleăng, 6 khế hiăng hluâ, tơdroăng cheăng kâ – rêh ối pơlê pơla dêi Lâm Đồng pơtối châ hên tơdroăng châ tơƀrê lĕm laga xuân trâm hên pá puât. Tơtêk GRDP tiô tố hdrối châ vâ chê 8%, ôh tá châ tiô pơkâ mơ’no mơ’no lối 9,3%; kơpong kơmăi kơmok – mơjiâng ƀă mơdró tâk iâ tâ pơkâ mơ’no.

Pêi lo liăn tê ngi kong têa kơdroh tâng pơchông ƀă rôh kố hơnăm nah; mơ’lo liăn ngân tơnêi têa nếo châ 14% pơkâ pêi; rơnêu nếo pro mơ-éa rêh ối cheăng kâ ƀă tơnêi têa, pơhlêh xúa kŏng ngê̆ măng internet a mâu cheăm bêng ối hrá, tá hâi tơdâng tơ’mô. Rôh hôp tơkŭm séa ngăn, tơpui tơno ƀă tơbleăng ăm pêi pro 24 tơdroăng pơkâ ‘na mâu troăng pơkâ pêi, troăng hơlâ mơnhông cheăng kâ – rêh ối pơlê pơla, mơ’no liăn cheăng tơnêi têa, xing xoăng mơngế pêi cheăng, gum rêh ối pơlê pơla ƀă tơdroăng cheăng dêi khu râ kăn pơkuâ cheăm, bêng.

Tơdrêng amê, tơkŭm rah xo mơngế pêi cheăng tiô hnoăng, kơ-êng ƀă tiâ rơkong kơ-êng ƀă mâu kơvâ châ mơngế ki rah xo tâ phĭu ƀă kuăn pơlê rơhêng vâ ‘nâi plĕng. Hneăng hôp tơkŭm po troh tâi hâi lơ 2/7.