Pêi cheăng 500 hâi măng: Gia Lai mơ-eăm xo túa kơxêng kiâ ƀă mơnhên inâi hơnăm dêi mơngế hlâ ai hnoăng tơnêi têa
Thứ năm, 10:00, 02/07/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Tung pơla ai hên tơdroăng xơpá xua tơdroăng tơplâ hiăng ton tĭn ƀă ki hên kơxêng kiâ mâu mố đô̆i ki ‘nâ hiăng pok hiăng chiâng tơnêi, mâu khu pêi cheăng “500 hâi măng” a Gia Lai xuân mơ-eăm tơbleăng pêi pro hnoăng cheăng chiâ xo kơxêng mơngế hlâ, tí tăng, tơkŭm ƀă mơnhên inâi, hơnăm, tíu ối dêi mâu ngế hlâ ai hnoăng tơnêi têa.
Sap ing mơhnhôk lăm tăng chiâ troh hâi lơ 30/6, lâp tung kong pơlê Gia Lai hiăng hlo châ 748 túa kơxêng kiâ mơngế hlâ ai hnoăng vâ ăm mơnhên ngăn ADN; kơxô̆ túa kơxêng ăm ngăn ai tŭm tơdroăng vâ mơnhên châ dâng 48%, tí tăng, tơkŭm châ 10 kơxêng kiâ mơngế hlâ ai hnoăng.
Đăi tă Phạm Văn Đạt, Phŏ Chính ủi Khu pơkuâ ngăn lêng kong pơlê Gia Lai ăm ‘nâi, mâu lêng ki veăng pêi tơdroăng cheăng dế pơtối mơ-eăm tăng mơngế tăng khu xiâm veăng pêi vâ pê klêi tơdroăng hiăng pơcháu, veăng rĕng châ mơnhên inâi hơnăm mâu ngế hlâ ai hnoăng tơnêi têa ki hâi nâi inâi, hơnăm, tíu ối ai tiô púi vâ dêi nôu pâ nhŏng o xiâm vâ vâ pêi mâu tơdroăng cheăng vâ troh tơbâ 80 hơnăm Hâi mâu lêng rong râ - hlâ hía.
Viết bình luận