Tiô pơkâ, hok tro kong pơlê Gia Lai kô châ mung tŭm hlá mơ-éa hriâm tiô tơdroăng dế hriâm nôkố. Mơ-éa xua Tơnêi têa roê, ăm tíu ‘măn rak hlá mơ-éa mâu hngêi trung rak ngăn; hok tro mung tung pơla hơnăm hriâm ƀă mơdrếo vâ pơtối xúa tung mâu hriâm kơ’nâi. Tơdroăng tŏng gum kố tiô tối hdrối kô xúa ƀă hok tro râ má péa, râ má pái ƀă mâu ngế hriâm giáo dục thường xuyên a kong pơlê ối tung mâu khu môi tiah: kuăn ngo, khu ngế ki chó chêng tơvê kŏng, rơpŏng kơtiê, rơpŏng vâ chê kơtiê; vâi hdrêng ki ôh tá ai kơbố păn răk; kuăn mố đô̆i ki hiăng hlâ, kuăn mố đô̆i tro rong, châi tamo ƀă mâu ngế ki châ tŏng gum ki ê hía.

Tiô tối hdrối tơdroăng tŏng gum kố châ pêi pro sap ing hơnăm hriâm 2026-2027 troh tâi hơnăm hriâm 2028-2029. Sap ing hơnăm hriâm 2029-2030, tơdroăng ki ăm tê kơtê mung mơ-éa hriâm kô pêi pro tiô troăng hơlâ tŏng gum tơdjuôm dêi Tơnêi têa.