Chin phuh pơkâ pơxá inâi klêi tơkŭm cho: “Tơdroăng pơkâ tơnêi têa mơnhông túa lĕm tro - pơlê pơla, thôn pơlê, hdrông kuăn ngo ƀă kong ngo pơla hơnăm 2026-2035”. Tơdroăng châ tơkŭm sap 4 Tơdroăng nôkố ‘na túa lĕm tro; hnê mơhriâm - hnê mơjiâng tuăn ngôa rơkê, xăm kơtiê, mơnhông kơpong kuăn pơlê kuăn ngo ƀă kong ngo; rak ngăn ivá, pơ’leăng mâ mơngế ƀă mơnhông tơbrê; tơdroăng mê ai 7 khu tơdroăng cheăng ki kal. Tâi tâng kơxô̆ liăn mơhnhôk tăng pêi pơla hơnăm 2026-2030 tiô tối hdrối ai lối 808.000 rơtal liăn, tung mê, liăn tơnêi têa ai 345 rơpâu rơtal liăn.

Tiô tối hdrối, Khu xiăm ngăn ‘na Chiâk deăng ƀă Hyôh kong prâi pro kơ koan xing xoăng tơdjuôm, kum pêi tơdroăng cheăng ăm, Khu hnê mơhno Tíu xiâm; Khu xiâm ngăn ‘na Liăn chiu pôu râng tơkŭm tâi tâng, xing xoăng, pơtroh liăn ngân; mâu Khu râ kơvâ cheăng pơkâ tơdroăng cheăng pêi, kơxô̆ thế pêi, tối tơdroăng ki hiăng pêi apoăng; kong pơlê xúa luât pơkâ “kong pơlê pơkâ, kong pơlê pêi, kong pơlê chiu pôu râng hnoăng cheăng”, rah xêh mâu tơdroăng cheăng, kơjo ahdrối cho liăn vâ pêi cheăng, chiu pôu râng tŭm tơdroăng ‘na pêi lĕm krá lơ ôh, ƀă tơdroăng pêi pro.