Kố cho klêi kơ’nâi apoăng tung pêi pro cheăng pêi thâ 500 hâi măng tăng rôu, tơkŭm kơxêng kiâ mố đô̆i hlâ tung rôh tơplâ nah a cheăm. Cheăm Đăk Pék tối nhên kô pơtối tơrŭm ƀă mâu kơ koan, tíu pêi cheăng, khu ki ai tơdjâk tăng rôu, tơkŭm mâu kơxêng kiâ mố đô̆i ki u ối, djâ mâu vâi ngoh kố vêh dêi ƀă pú ƀă vêh dêi a tơnêi xiâm.

Klêi kơ’nâi tâ tung poăng, 10 to kơxêng kiâ mố đô̆i châ ‘mế a Ilâng kiâ mố đô̆i Đăk Glei tung tơdroăng ki ƀriê lo têa, pâ nhuô̆m dêi kăn ƀô̆, mố đô̆i ƀă kuăn pơlê.