VOV.Xơ Đăng - Pơla hdrối kô nah, a rôh pêi cheăng ƀă Khu kăn Séa ngăn Hô̆i đong Kuăn ngo dêi Kuô̆k hô̆i, Vi ƀan Kuăn pơlê kong pơlê Dak Lak pâ thế Kuô̆k hô̆i, Chin phuh rĕng tah tíu ki pá tơvâ tơvân ‘na tơnêi ‘no liăn hnê hriâm, pơkeăng pơlât kơpong kuăn ngo ƀă kong ngo; hlối pê klêi luât pơkâ, luât pơkâ krê dêi kong pơlê tơbleăng tơ brê.

VOV.Xơ Đăng - Pêi pro tiô tơdroăng lăm tăng “ 500 hâi măng  mơhnhôk rĕng lăm tăng, châ tơkŭm ƀă mơnhên ‘nâi inâi kơxêng mơngế ki hlâ ai hnoăng”, kong pơlê Quảng Ngãi hiăng tơkŭm 19 kơxêng kiâ  mơngế hlâ ai hnoăng, xo lối 2.600 túa kơxêng vâ ăm mơnhên ADN vâ ‘nâi nhên ‘na ngế ki hlâ ai hnoăng mê.

VOV.Xơ Đăng - Đô̆i K51, Khu pơkuâ ngăn lêng kong pơlê Dak Lak nếo tơkŭm châ 2 to kơxêng kiâ mố đô̆i a kơpong ngo Hòn Ông, cheăm Tây Sơn.

VOV.Xơ Đăng - Lối 150 rơpŏng hngêi ki ai kuăn xiâm dêi mơngế veăng tơplâ xâ nah ki tro trếo ‘mêi a kong pơlê Quảng Ngãi dế châ kơjo kum mơjiâng, rơnêu bro hngêi ối. Mâu hngêi mê dế châ pro vâ rĕng pêi kêi ƀă tơdroăng veăng ai mâu kăn, mâu lêng ƀă kuăn pơlê ƀă tơdroăng mơ-eăm pro klêi ahdrối hâi lơ 20/7. Thanh Thắng, ngế chêh hlá tơbeăng ai chêh tối ‘na tơdroăng mê.   

VOV.Xơ Đăng - A roh hôp Hneăng má 2, Hô̆i đong hnê ngăn kong pơlê Dak Lak hneăng X, ai hên mâu kăn tối tiah kố, vâ khoh kâi châ pêi lo liăn ngân, kế tơmeăm châ lối 10% tung hơnăm 2026, Dak Lak thâ rĕng lêi tah lôi mâu tíu ki ối kreăng ‘na mơ’no liăn cheăng mơjiâng pro tơmeăm tơdjuôm dêi tơnêi têa, tơnêi tíu, túa chêh bro tung măng internet ƀă hnối ‘mâi pơhlêh tuá ki ăm khu mơdró kâ veăng mơ’no liăn ngân cheăng kâ.

VOV.Xơ Đăng - Pôa Nguyễn Đình Khang, Ngế xiâm ngăn Kuăn ngo ƀă Loi tĭng pêi cheăng ƀă Vi ƀan Kuăn pơlê dêi kong pơlê Lâm Đồng ‘na tơdroăng hiăng klêi pêi Tơdroăng pơkâ dêi tơnêi têa mơnhông cheăng kâ rêh ối kơpong Kuăn ngo ƀă kong ngo.

VOV.Xơ Đăng - Pêi pro Tơdroăng 500 hâi măng tăng rôu, tơkŭm ƀă mơnhên inâi kơxêng kiâ mố đô̆i ki tá hâi ‘nâi inâi, a kong pơlê Gia Lai, cheăng xo túa kơxêng vâ séa ngăn ADN dế rĕng châ tơbleăng pêi. Rêm tơnâp châ po cho tơ’nôm môi tơdroăng tơngah vâ mâu ngế lêng ki hiăng hlâ klêi kơ’nâi tơplâ ai rôh châ khĕn tro inâi tơná, ƀă vêh dêi ngi pơlê xiâm.

VOV.Xơ Đăng - Tung pơla ai hên tơdroăng xơpá xua tơdroăng tơplâ hiăng ton tĭn ƀă ki hên kơxêng kiâ mâu mố đô̆i ki ‘nâ hiăng pok hiăng chiâng tơnêi, mâu khu pêi cheăng “500 hâi măng” a Gia Lai xuân mơ-eăm tơbleăng pêi pro hnoăng cheăng chiâ xo kơxêng mơngế hlâ, tí tăng, tơkŭm ƀă mơnhên inâi, hơnăm, tíu ối dêi mâu ngế hlâ ai hnoăng tơnêi têa.

VOV.Xơ Đăng - Hâi lơ 30/6, a kong pơlê Dak Lak, Khu xiâm Kŏng an tơkŭm po Leh tơbleăng mơjiâng Hngêi trung Văn hoă Kŏng an Nhân yân II.

VOV.Xơ Đăng - Hâi lơ 30/6, Hô̆i đong kong pơlê Lâm Đồng hneăng má XI, hneăng hơnăm 2026 – 2031 tơkŭm po Hneăng hôp má 4, tơkŭm mơnhên tơdroăng châ tơƀrê mơnhông cheăng kâ – rêh ối pơlê pơla 6 khế apoăng hơnăm, pơkâ hên troăng pơkâ pêi, troăng hơlâ ƀă hnoăng cheăng ki xiâm ăm 6 khế mơ’nui hơnăm 2026.