Pêi pro tơdroăng, Khánh Hòa hiăng pêi klêi xo mơheăm ƀă 2.124 tơnâp kiâ mô đô̆i tá hâi 'nâi inâi, rĕng tâ pơkâ 4 khế. Tung kơxô̆ kố, 1.240 mơheăm tŭm tơdroăng vâ séa ngăn ADN ƀă hiăng châ pơcháu ăm Viện Pháp y Quân đội. Troh nôkố, lâp kong pơlê hiăng xo lối 90% kơxô̆ mơheăm tiô pơkâ a mâu kong pơlê.

Ƀă hnoăng cheăng tí tăng, tơkŭm, khu ki ai tơdjâk hiăng tí tăng, tơkŭm 59 kơxêng kiâ mố đô̆i; tung mê, 14 mố đô̆i hiăng mơnhên tŭm tơdroăng vâ tơkŭm po lăm pôu ngăn, tơbâ ƀă 'mé. Tung la ngiâ, kong pơlê Khánh Hòa pơtối séa ngăn, mơnhên tơdroăng a mâu kơpong ki tơplâ, kơpong kăch măng, kong kế ƀă mâu kơpong ki mơni ai kơxêng kiâ mố đô̆i; tơdrêng amê hbrâ tơkŭm po Leh pôu ngăn, tơbâ, 'mế kơxêng kiâ mố đô̆i râ kong pơlê kân krip, tŭm têk, tro pơkâ.