Tơbleăng a rôh pêi cheăng, Kăn xiâm hnê ngăn Kuô̆k hô̆i pâ thế, tơmâng hnê nhên khât, thế chôu pâ mâu troăng hơlâ dêi Đảng, luât dêi tơnêi têa ‘na lêng, lêng kring gak tơkăng kong; ki kal “Troăng hơlâ Kring vế Tơnêi têa tung tơdroăng nôkố”, “Troăng hơlâ mơnhông krá tơniăn cheăng kâ têa kơxĭ Việt Nam troh hơnăm 2030, mâu tơdroăng cheăng pêi troh hơnăm 2045”; kring vế hnoăng pơkuâ têa kơxĭ, chuăn rơlố.

Kăn xiâm hnê ngăn Kuô̆k hô̆i loi tiah kố, ƀă troăng hơlâ hmâ pêi ing nah” Tơplâ khên tơnôu, ‘nâi hriăn rơkê, pro xiâm kơpong têa kơxĭ, khŏm kâi ƀlêi”, ƀă tơdroăng púi vâ ƀă mơ-eăm khât, hnoăng cheăng pêi ki kân, kăn ƀô̆, mâu Lêng Tuk kô pơtối tơrŭm dêi rơpó, hơ’lêh hriăn plĕng ki nếo, ing ivá mơ-eăm, tơkâ luâ tĭm tơdroăng xơpá, pê klêi tŭm tơdroăng cheăng.