Rôh pêi cheăng kố hiăng tối nhên tíu ối a kong têa ê dêi Việt Nam ƀă po hên rôh tơ’lêi hlâu tơrŭm cheăng ai pơxúa. A Rôh hôp khu râ kăn xiâm BRICS rôh má 18, pôa Lê Minh Hưng, Ngế pro xiâm hnê ngăn tơnêi têa hiăng ai ƀai pơchuât hnê mơhno ki kal tung mâu tơdroăng cheăng tung la ngiâ châ tơnêi têa Ấn Độ rơtế ƀă mâu kong têa ki tơrŭm cheăng tung BRICS kal vâ ‘nâi khât. Tung rôh pêi dêi hnoăng cheăng, pôa Lê Minh Hưng, Ngế pro xiâm hnê ngăn tơnêi têa hiăng ai rôh tơpui tơno pơla péa pâ ki kal ƀă pôa Narendra Modi, Ngế pro xiâm hnê ngăn kong têa Ấn Độ.

Kố cho rôh vâ Kăn pơkuâ péa Chin phuh séa ngăn, mơnhên tối tơdroăng pêi pro tơrŭm cheăng sap ing rôh pôu ing hâi chói ai dêi pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa troh Ấn Độ, rôh ki péa tơnêi têa mơdêk tơrŭm cheăng tâk tung la ngiâ tŭm têk Thăm mơnhông. Péa pâ môi tuăn mâu túa pơkâ pêi, troăng hơlâ pêi pro nhên vâ pêi pro tơdroăng tơkêa khu râ kăn xiâm tung la ngiâ.