KOL Gia Lai veăng gum mơdât mâu tơdroăng ki ôh tá xê khât, tơdjâk tơdroăng loi tung măng
Thứ hai, 14:05, 14/09/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - A bêng Plei Ku, Kŏng an kong pơlê Gia Lai tơkŭm po Hneăng hôp KOL, Quản trị viên kong pơlê Gia Lai hơnăm 2026 ƀă dó inâi "Kong ngo tơdjêp têa kơxĭ ngiât - Troh lâp lu Tơdroăng loi tơngah kơxô̆". Klêi kơ'nâi môi hơnăm mơjiâng tơdroăng tơdjêp, mâu ngế ki rơkê plĕng tung măng pơlê pơla a Gia Lai dế veăng kum tối tơbleăng tơdroăng ki ôh tá tro, mơdât tơdroăng ki ôh tá lĕm tro tơƀrê tâ, veăng kum mơjiâng tơdroăng rêh ối kơxô̆ tơniăn, lĕm tro.
Xông tơpui a hneăng hôp, Thươ̆ng tă Đỗ Minh Kim- Phŏ ƀơrô 3, Khu xiâm kring tơniăn măng ƀă hbrâ mơdât mâu ngế pro xôi xúa kŏng ngê̆ rơxông nếo, Khu xiâm kŏng an tối ăm 'nâi, tung hneăng ki pơtối, pơkâ thế tơniăn, tơdroăng pơkâ ôh tá xê to tơleăng mơnhên tơdroăng ki ôh tá tro, tơdroăng ki ôh tá lĕm tro, mê kal hbrâ rơnáu kring vế kuăn pơlê sap ing pơlê pơla kơxô̆.
Tơdrêng amê, Khu xiâm pơkuâ kring tơniăn măng ƀă hbrâ mơdât mâu ngế pro xôi xúa kŏng ngê̆ rơxông nếo dế mơhnhôk Khu tơrŭm loi tơngah kơxô̆, mơjiâng troăng hơlâ rơtế prôk pơla kơ koan pơkuâ tơnêi têa, pơlê pơla KOL, khu mơdró xiâm kơxô̆ ƀă mâu khu tơrŭm pơlê pơla. Drêng túa pơkâ Kâu lăk ƀô̆ kố pêi cheăng châ tơƀrê, kô mơjiâng chiâng môi "kơxái kring vế kơxô̆" kring vế pơlê pơla.
Viết bình luận