VOV.Xơ Đăng - Kăn xiâm hnê ngăn tơnêi têa pơkâ thế hbrâ rơnáu krâu mâu tơdroăng ki vâ gum kuăn pơlê ro Hơngui, tơdah Têt tơniăn, rơdêi, kơdĭng, pro chiâng ivá rơdêi sap ing apoăng hơnăm 2026.

VOV.Xơ Đăng - Pơtối pêi pro Tơdroăng têa tah hngêi tơ’nhiê, xi kơchoh, Kŏng an kong pơlê Lâm Đồng nếo tơkŭm hiăng pro klêi, pơcháu tơ’nôm 6 toăng hngêi diâp ăm mâu rơpŏng ki ai tơdroăng rêh ối pá puât, xơpá a péa to cheăm tơkăng kong Thuận Hạnh ƀă Dak Wil.

VOV.Xơ Đăng - A Rôh hôp Vi ƀan pơkuâ cheăng Kuô̆k hô̆i rôh má 53 pơla kố nah, Pôa Trần Thanh Mẫn, Kăn xiâm hnê ngăn Kuô̆k hô̆i tối nhên, klêi kơ’nâi ƀlêi chiâng Hneăng hôp rôh má XIV dêi Đảng, hnoăng cheăng ki kal kô pơtroh chiâng cheăng hbrâ rơnáu Têt Lo hơnăm nếo ƀă hbrâ rơnáu rôh tâ phĭu pôk kăn Kuô̆k hô̆i Hneăng XVI, kăn Hô̆i đong hnê ngăn Kuăn pơlê rêm râ hneăng hơnăm 2026 – 2031.

VOV.Xơ Đăng - Koh hâk hneăng tâ phĭu rah xo Khu kăn xiâm Kuô̆k hô̆i hneăng 16 ƀă Hô̆i đong hnê ngăn kuăn pơlê rêm râ, hneăng hơnăm 2026-2031 a cheăm tíu tơkăng kong Ia Lốp, kong pơlê Dak Lak, Đảng ƀô̆, khu kăn hnê ngăn rơtế ƀă kuăn pơlê dế thâ pêi pro, kơhnâ khât tung pêi pro mâu tơdroăng cheăng vâ hbrâ ăm hneăng tâ phĭu rah xo kăn châ ƀlêi chiâng, tơniăn lĕm tro.

VOV.Xơ Đăng -  Koh phiu ro Hneăng hôp kăn teăng mâ lâp tơnêi têa roh má XIV dêi Đảng, kơxê lơ 15/1, Kuân khu 5 tơkŭm po Leh pơxiâm mơjiâng pro Hngêi hôp rêh ối pơlê pơla Ƀuôn Kđoh, cheăm đông kăch măng Čư̆ Pơng, kong pơlê Dak Lak.

VOV.Xơ Đăng - Dế nôkố, khu kăn hnê ngăn cheăng kal kí dêi kong pơlê Gia Lai, ing pơlê cheăm troh a kong pơlê dế tơkŭm hbrâ mâu tơdroăng ki kal vâ kring vế tơniăn ăm hneăng tâ phĭu rah xo kăn Kuô̆k hô̆i hneăng XVI ƀă Hô̆i đông hnê ngăn kuăn pơlê rêm râ hneăng hơnăm 2026-2031 châ po tơniăn lĕm, tro tiô tuăn kuăn pơlê ƀă ƀlêi chiâng.

VOV.Xơ Đăng - Drêng lâp tơnêi têa tơmiât troh ‘na Hneăng hôp kăn teăng mâ lâp tơnêi têa roh má XIV dêi Đảng – tơdroăng kal kí ai kơnâ ki má môi ƀă tơdroăng la ngiâ mơnhông mơdêk dêi tơnêi têa, a Dak Lak, tơdroăng loi tơngah, pói vâ ƀă  tơdroăng ki phiu ro dế troh rơdâ tung mâu râ kuăn pơlê. Ing kơpong kuăn pơlê rêh ối kơdrâm kơdrĕng, tơrŭm tê mơdró troh pơlê kơpong tơkăng kong, ing kăn ƀô̆ troh đoân viên droh rơtăm, rêm tơdroăng pêi ki pơxúa hâi kố pơrá mơhno hiâm mơno môi tuăn, tơdroăng loi tơngah krá tơniăn tung tơdroăng pơkuâ dêi Đảng ƀă châ tơƀrê dêi Hneăng hôp.

VOV.Xơ Đăng - A cheăm Tây Hòa, Kŏng an kong pơlê Dak Lak tơkŭm po rôh pơcháu hngêi ối ăm mâu rơpŏng ki ai hngêi tơhnâp, kơtong, tơ’nhiê xua kong mê khía mơhot têa kân lân lu, păng ‘nâng pro klêi ‘”Cheăng pêi thâ Quang Trung”.

VOV.Xơ Đăng - Hâi lơ 15/3 lá ngiâ kố ah, mâu kuăn pơlê tung lâp tơnêi têa kô veăng tâ phĭu rah xo kăn teăng mâ Kuô̆k hô̆i hneăng 16 ƀă mâu kăn teăng mâ Hô̆i đong hnê ngăn kuăn pơlê rêm râ, hneăng hơnăm 2026-2031. A kong pơlê Dak lak, tung mâu hâi ki kố, ôh tá xê to hbrâ ăm hneăng tâ phĭu ki po rơdâ ing kơphô̆ troh a mâu pơlê cheăm. Hnoăng cheăng hnê tối ‘na tâ phĭu rah xo hiăng châ pơkâ pêi pro rĕng, lâp lu, gum ăm kuăn pơlê hlê plĕng nhên dêi hnoăng tơná, tơdroăng cheăng tơná ƀă hdró mâu hâi khế ki kal mê. Pakĭng tơdroăng rak vế tơniăn ƀă mâu hvêa chêng ki vâ pêi pro tung tăng rah mơngế to pro kăn, vâ môi tuăn ‘na kơxô̆ mơngế ƀă vêh mơnhông rah xo khu kăn mê kô châ pêi pro trối lâi, tiô kơ tơdroăng ki pêi pro tơtro la ngiâ, tung mê, ai tối nhên hnoăng cheăng ki teăng mâ ăm kuăn pơlê.

VOV.Xơ Đăng - Pêi pro ‘’Cheăng pêi thâ Quang Trung’’ mơjiâng, rơnêu hngêi ăm kuăn pơlê kơpong têa lân lu, Lưh đoân Đăk kŏng 198 châ Ƀinh chủng Đăk kŏng – Khu xiâm pơkuâ mô đô̆i pơcháu hnoăng cheăng pêi pro mơjiâng 18 toăng hngêi ăm mâu rơpŏng thôn Phú Phong (cheăm Hoà Thịnh, kong pơlê Dak Lak) ai hngêi tơhnâp tâi tâng. Ƀă hiâm mơno pêi rĕng, kơtăng, klêi kơ’nâi lối 1 khế pêi pro, 5 toăng hngêi hiăng kêi đeăng, mâu toăng hngêi ki ê dế a hneăng mơ’nui, Lưh đoân dế mơ-eăm vâ rĕng kêi đeăng hdrối pơkâ tơdroăng mơjiâng pro hngêi.