VOV.Xơ Đăng - Pêi pro túa kăn pơkuâ péa râ, pôa Trần Thanh Mẫn, Kăn xiâm hnê ngăn Kuô̆k hô̆i tối tiah kố, tung pơla ối hên xơpá, mâu kong pơlê kal kơtăng pêi pro pơhlêh kơxô̆, xúa khoa hok kong ngê̆, vâ iâ mơngế pêi cheăng, la tơdroăng cheăng klêi tơniăn.

VOV.Xơ Đăng - A hneăng hôp má 4, Hô̆i đong hnê ngăn kong pơlê Gia Lai hneăng XII hâi lơ 27/10, Hô̆i đong hnê ngăn kong pơlê hiăng tơbleăng tơdroăng Pơkâ troăng hơlâ tŏng gum rak tơniăn tơdroăng rêh ối cheăng kâ ƀă kuăn pơlê tơnăng ká ki ai plong tuk ôh ai tŭm tơdroăng ki vâ lăm tơnăng ká xi xŏng.

VOV.Xơ Đăng - Pêi pro troăng hơlâ dêi Đảng ƀă Tơnêi têa ‘na mơnhông hnê hriâm kơpong tơkăng kong, kong pơlê Lâm Đồng dế pêi pro klêi cheăng hbrâ rơnáu vâ pro 2 to hngêi trung tâi tâng tung 5 to hngêi trung tung hơnăm 2025 kố.

VOV.Xơ Đăng -  Hâi lơ 26/10, pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak pơkuâ djâ khu râ kăn pêi cheăng dêi kong pơlê troh séa ngăn mâu tơdroăng tơkêa bro mơjiâng hngêi trung phôh thong ai tíu kâ koi ối pơtê tơdjêp râ a mâu cheăm tơkăng kong, pêi cheăng ƀă Đông mô đô̆i gâk tơkăng kong Ea H’Leo ƀă Vi ƀan cheăm Ia Lốp.

VOV.Xơ Đăng – Măng tĭng hdrối, a Hneăng hôp rôh má 10, Kuô̆k hô̆i hneăng má XV, mâu kăn hiăng tơpui tơno ‘na tơdroăng tơkêa Luât ‘mâi pơhlêh, ‘mot tơ’nôm mâu tơdroăng dêi Luât Hnê hriâm; tơdroăng tơkêa Luât Yăo yuk đăi hok (‘mâi pơhlêh) ƀă tơdroăng tơkêa Luât yăo yuk hnê cheăng pêi (‘mâi pơhlêh). Môi tung mâu tơdroăng ki châ mâu kăn Kuô̆k hô̆i kal vâ ‘nâi ƀă tối tro rơkong pâ thế dêi kuăn pơlê, mê cho chêh pro mâu mơéa hriâm phôh thong xúa tơdjuôm tung lâp tơnêi têa athế rơkê tro.

VOV.Xơ Đăng - Vâ chê 10 hơnăm hdrối, tơdroăng “Mơdêk hvêa chêng o troh a hngêi trung” xua Khu ngăn Mố đô̆i gâk tơkăng kong dêi kong pơlê Gia Lai pêi pro hiăng chiâng tíu gum krá rơdêi ăm lối chât ngế hok tro kơtiê, kuăn tê, ai tơdroăng rêh kâ ối pá puât châ pơtối troh hngêi trung hriâm. Tơdroăng kố pêi pro kố hiăng chiâng tơdroăng pêi ki lĕm tro dêi khu lêng – kuăn pơlê, dêi hnoăng cheăng pôu râng pơlê pơla ƀă tơdroăng loi tơngah tung la ngiâ a kơpong tíu tơkăng kong têa kơxĭ ki ối hên tơdroăng xơpá kố.

VOV.Xơ Đăng - Mâu hơnăm hdrối mê hía nah, kơnôm ing kơxô̆ liăn ki châ mung ing Hngêi rak liăn Tŏng gum kơtiê xahpá pơlê pơla, hên rơpŏng hdrông kuăn ngo a kong pơlê Gia Lai hiăng thăm mơnhông tơdroăng mơ’no liăn păn kơpôu, ro, pupái, pêt kơphế, plâi krui kơxái ƀă hên hĕng mâu tơmeăm ki ê. Kơnôm xúa liăn tro tơdroăng, mâu rơpŏng ki mê hiăng thăm pêi lo rế hên liăn ngân, tơdroăng rêh kâ ối rế hía rế chía tơniăn tâ. Hên rơpŏng hngêi ôh tá xê to châ hluăn ing kơtiê xahpá, mê ối ai liăn ngân ăm dêi kuăn ‘nĕng mơhriâm troh lâm kân, ko hngêi kân rơdâ krá lĕm, rôe mâu tơmeăm xúa tung rêh ối, pêi cheăng kâ, chôa ‘lâng hvêa chêng prôk pro kro mơdrŏng a pơlê cheăm tơná.

VOV.Xơ Đăng - Hên hơnăm hdrối nah, kong pơlê Gia Lai tơbleăng pêi tơƀrê troăng hnê pêi cheăng ƀă tơ’mot ƀok thái pơkeăng cho mâu ngế ki châ rah xo ăm hriâm, malối cho kơjo gum kuăn ‘nĕng hdroâng kuăn ngo a kơpong hngế hngo. Lối hrĭng ngế ƀok thái pơkeăng klêi kơ’nâi hiăng hriâm klêi vêh a pơlê cheăm pêi cheăng, gum mơnhông ki rơkê tung khăm pơlât, rak ngăn ivá châ chăn kuăn pơlê. Troăng tŏng gum kố dế ăm hlo ki tơƀrê ƀă ki tơtro tung pơla kơvâ ngăn pơkeăng a kong pơlê ối kal ‘na mâu ngế pêi cheăng ƀă mâu tơmeăm xúa tung khăm pơlât, malối cho tung pơla klêi kơ’nâi ‘mot tơkŭm.

VOV.Xơ Đăng - Tung mâu hơnăm tơplâ, sap ing ing kơpong hngế ngo kong Ba Tơ krip kơdrŏm, troh mâu kơpong têa kơxĭ kân rơdâ, ngiât lĕm, kong tôu bâ eăng a peăng Tơdế Tơnêi têa, mâu đô̆i yu kit ki apoăng a Pêa Hdroh Tơdế Tơnêi têa hiăng xông tơplâ, hlâ rêh xua vâ rak tơniăn krê dêi tơnêi têa. Vâi cho mâu ngế ki kal xiâm, ôh ti ai kơbố ‘nâi veăng gum, hbrâ rơnáu ăm môi rôh tơplâ ki pá puât la khên tơnôu, hâk tơngăm. Tơbâ 80 hơnăm hâi mơjiâng Khu lêng kring vế Kuân khu 5 (hâi lơ 16/10), ivá hâk tơngăm Bơ Tơ dế pơtối châ pơtối rak krá tơniăn.

VOV.Xơ Đăng -Khu kăn Kuô̆k hô̆i kong pơlê Dak Lak nếo pêi cheăng ƀă Vi ƀan hnê ngăn péa to cheăm Vụ Bổn ƀă M’Drak ‘na tơdroăng pêi pro mâu Pơkâ dêi Kuô̆k hô̆i tơdjâk troh tơdroăng pơkâ tơnêi têa.