VOV4.Xơ Đăng - Tung hneăng tơ’noăng mơgêi hriâm râ má pái phôh thong 2024 a kong pơlê Gia Lai, kô ai lối 300 ngế droh rơtăm loăng hnoăng tơná veăng kum hok tro tung mâu hâi tơ’noăng.

VOV4.Xơ Đăng - Tơdroăng rak tơniăn gâk kring, tơniăn hneăng tơ’noăng châ tơmâng hên khât.

VOV4.Xơ Đăng - Hneăng hôp má 2 dêi Kuô̆k hô̆i roh má 7, Kuô̆k hô̆i hneăng 15 po tung măng tĭng hdrối, ai hên tơdroăng ki kal, drêng tơpui tơno a hngêi hôp kân ‘na Tơkêa pêi mơ’no liăn mơjiâng troăng kân rơdâ ing Peăng Kơnhŏng troh peăng Hdroh pá Mâ hâi Lu, kopong Gia Nghiã (Dak Nông) - Chơn Thành (Bình Phước), mâu kăn hiăng pơkâ thế ăm phep tơdroăng tơkêa bro kố cho xúa mâu troăng hơlâ ki vâ chiâ xo tơmeăm khoăng vâ mơjiâng pro tơmeăm khoăng. Tơdrêng amê, pâ thế ‘no liăn ngân i tŭm vâ tơniăn ăm tơdroăng mơjiâng troăng prôk kố klêi a hơnăm 2026 ah.

VOV4.Xơ Đăng - Leh diâp pri Hlá tơbeăng Tơnêi têa rôh má 18 kô po a kơmăng kố, a Hà Nội, klăng rôh tơbâ 99 hơnăm Hâi Hlá tơbeăng Kăch măng Việt Nam. Kố cho rôh vâ pơ-ôu pơ-eăng mâu ngế ki chêh, mâu ƀai chêh ki rơkê má môi, ai hnoăng veăng kum ăm hnoăng cheăng chêh hlá tơbeăng tơnêi têa tối krê ƀă hnoăng cheăng mơjiâng ƀă rak vế Tơnêi têa tối tơdjuôm. Kố xuân cho rôh vâ mơhnhôk mâu ngế ki cheăng ‘na chêh hlá tơbeăng pôi tá pơtê tơdroăng kơdo mơ-eăm mơjiâng Hlá tơbeăng Kăch măng Việt Nam ai hiâm mơno ki păng ‘nâng ƀă rơkê plĕng, xua ki pơxúa dêi tơnêi têa ƀă kuăn pơlê.

VOV4.Xơ Đăng - Rôh má 2 dêi hneăng hôp má 7 tiô tối hdrối kô hôp sap hâi kố lơ 17/6 ta troh hâi lơ 28/6. Kuô̆k hô̆i séa ngăn tơbleăng hên tơdroăng tơkêa bro, hlá mơ-éa pơkâ xuân môi tiah mâu tơdroăng pơkâ ki kal dêi râ kơpêng pơkuâ.

VOV4.Xơ Đăng - Kơmăng lơ 16/6, Khu xiâm rah chêh hlá tơbeăng Kŏng san, Khu hnê mơhno má môi Vi ƀan xiâm Mât trâ̆n Tơnêi têa Việt Nam, Khu xiâm pơkuâ Mô đô̆i gâk tơkăng kong tơkŭm po Tơdroăng pơ-ôu pơ-eăng ƀă ngế ki kuăn pơlê loi tơngah ki kơhnâ rơkê kơpong tơkăng kong, têa kơxĭ rơlố roh má II, hơnăm 2024 ƀă dó inâi ‘’Tíu hgiên dêi pơlê’’.

VOV4.XƠ Đăng -Măng tĭng hdrối, hiăng po roh hop má 34 dêi Vi ƀan hnê ngăn Kuô̆k hô̆i. Xông tơpui a roh hôp, pôa Trần Thanh Mẫn, Kăn xiâm hnê ngăn Kuô̆k hô̆i tối ăm ‘nâi, kố cho rôh hôp tiah hmâ dêi khế 6, tơkŭm po tung pơla péa rôh hôp dêi Hneăng hôp má 7, Kuô̆k hô̆i má 15. Roh hôp po tung pơla 3 hâi, ăm mâu kăn, kuăn pơlê veăng tơpui tối tung 16 tơdroăng ki kal.

VOV4.Xơ Đăng - Kơxo hâi lơ 14/6, Khu xiâm ngăn cheăng pêi mố đô̆i tro rong ƀă rêh ối pơlê pơla kong pơlê Dak Lak tơrŭm ƀă Liên Đoân pêi cheăng kong pơlê tơkŭm po Hâi pêi cheăng hơăn 2024 ƀă pơxá “Tơdjêp tơdroăng cheăng pêi - tiô troăng pêi cheăng - krá tơniăn tung la ngiâ”.

VOV4.Xơ Đăng - Roh trâm mâ veăng amê ai khu râ kăn pơkuâ, mâu ƀok dêi 45 khu pơkuâ tơdroăng khôp ối tung 16 tơdroăng khôp hiăng châ Đảng, Tơnêi têa mơnhên.

VOV4.Xơ Đăng - Pêi pro tiô tơdroăng pơkâ dêi tơnêi têa tung mơnhông cheăng kâ - rêh ối kơpong kuăn ngo ƀă kong ngo pơla hơnăm 2021-2030, kong pơlê Bình Định mơ-eăm, kơdroh riên 2% - 3% rêm hơnăm kơxô̆ mơngế ki rĕng xo on veăng tá hâi tro hơnăm ƀă pơtối rak ti mê oh tá ăm ai mơngế ki xo dêi rơpó ối tơdjuôm môi mơheăm chhá, môi hdrông hdrê, hdroâng kuăn ngo ai hên kơxô̆ mơngế xo dêi rơpó ta hâi tro hơnăm. Ƀai dêi Thanh Thắng ngế chêh hlá tơbeăng a kơpong Tơdế tơnêi têa ai chêh tối ‘na tơdroăng mê.