VOV.Xơ Đăng - Pơtối vêh mơnhông krá tơniăn hnoăng cheăng cho kơ koan teăng mâ ‘na tuăn i hiâm, mơno púi rơhêng vâ dêi Kuăn pơlê, Hô̆i đong hnê ngăn kuăn pơlê rêm râ hiăng ai hên ki pơhlêh nếo tung tơdroăng cheăng séa ngăn, êng tiâ, ƀă trâm mâ, tơpui tơno ƀă kuăn pơlê hneăng hdrối. Kố cho tơdroăng cheăng ki hiăng châ khu kăn teăng mâ tơkŭm séa mơnhên ngăn, tơpui tơno a Roh hôp Hô̆i đong hnê ngăn kuăn pơlê tung lâp tơnêi têa pơkâ pêi pro, tro tiô troăng hơlâ, hnoăng cheăng hneăng hơnăm 2026-2031 pơla hdrối kố nah.

VOV.Xơ Đăng -  Kơxê hâi lơ 1/6, a bêng Ea Kao, kong pơlê Dak Lak tơkŭm po leh mơjiâng pro, ‘mâi rơnêu 44 toăng hngêi ăm kuăn ‘nĕng dêi mơngế ki ai hnoăng tung roh tơplâ xâ nah tro trếo ‘mêi, tơdroăng rêh ối pá puât ‘na hngêi ối.

VOV.Xơ Đăng - Tiô Tơdroăng pơkâ nếo châ Hô̆i đong kong pơlê Gia Lai nếo tơbleăng, tung la ngiâ kong pơlê kô kơjo tŏng gum tơnêi ối, tơnêi pêt mơjiâng tơmeăm ăm rơpŏng kơtiê, rơpŏng vâ chê kơtiê cho mơngế hdroâng kuăn ngo.

VOV.Xơ Đăng - Phá tơ-ê ƀă mâu ngế ki hiăng kân, vâi ‘nĕng tá hâi teăm chiâng hlê plĕng tŭm têk tâi tâng ki kơnía dêi hnoăng krê tơná, klêi mê, ai tá mâu tơdroăng ki tơ’lêi trâm tro tơdroăng xâu xía ing măng internet. Tiah mê, kal athế pêi pro ki klâi vâ kring vế, rak ngăn hnoăng krê ƀă tơdroăng ki nếo krê dêi vâi ‘nĕng tung chal kŏng ngê̆? Kố cho tơdroăng ki hiăng tơpui tối a roh ki hôp tơpui mơ’no tơdrêng “Ki tơdjâk dêi Luât kring vế hnoăng krê-mâu tơdroăng tơtrŏng ‘na luât ki kal”.

VOV.Xơ Đăng - Lối 5 hơnăm hdrối, mâu cô hnê a Hngêi trung Yăo dục chuyên biệt Pandur (cheăm Bắc Bình, kong pơlê Lâm Đồng), hmái hmá ôh tá pơ’lok, chôa pêi mâu tơdroăng cheăng dêi tơná, kum ăm pơxúa hơniâp lĕm ăm mâu rơpŏng hngêi ai kuăn tro chó chêng tơpê kŏng. Tơdroăng ki kơnía ƀă mâu thái kố akố hơnăm ối nếo ƀă vâ xuân cho mơngế Chăm.

VOV.Xơ Đăng -  Kăn xiâm hnê ngăn Kuô̆k hô̆i pơkâ thế Hô̆i đong Hdrông Kuăn ngo mơdêk ki rơkê hriăn plĕng, tối hdrối troăng hơlâ; tơniăn mơnhông ƀă tơdâng tơ’mô, rak khôi túa lĕm tro ƀă pro krá khu tơrŭm môi tuăn tâi tâng hdrông kuăn ngo.

VOV.Xơ Đăng -  Hô̆i đong kuăn pơlê kong pơlê Dak Lak hneăng má XI nếo tơbleăng ăm pêi pro Tơdroăng xiâm tơbleăng a rôh hôp pơkâ troăng hơlâ tŏng gum kring vế ƀă mơnhông ki kơnâ tơmeăm kơnía khôi túa lĕm tro chêng koăng hneăng 2026 – 2030.

VOV.Xơ Đăng - A hneăng hôp kân lâp tơnêi têa Măt trâ̆n Tơnêi têa Việt Nam roh má XI nếo po tơniăn, ƀlêi chiâng a Pơlê kong xiâm Hà Nội. Mâu kuăn pơlê a kong pơlê Dak Lak hiăng mơhno tối, pói rơhêng vâ Măt trâ̆n pơtối mơdêk hnoăng cheăng ki tơdjêp pơla kuăn pơlê ƀă Đảng, ƀă Tơnêi têa; rĕng teăm mơnhên tối mâu tơdroăng ki ai khât păng ‘nâng tung rêh ối, malối a mâu pơlê cheăm kơpong hơngế hơngo, kơpong pơlê cheăm hdrông kuăn ngo; rơkong tơpui ing mâu pơlê cheăm kô châ mâu kăn veăng tơmâng, châ tơbleăng mơnhên teăm tơdrêng ƀă xo ing mê chiâng mâu hnoăng cheăng ki pêi pro nhên khât tung hneăng ki nếo.

VOV.Xơ Đăng - Kơxê lơ 14/5, mâu pôa Nguyễn Hòa Bình, Phŏ ngế pro xiâm hnê ngăn tung Chin phuh, pôa Trần Hồng Hà, Phŏ ngế pro xiâm hnê ngăn Chin phuh hneăng hdrối rơtế ƀă mâu kăn dêi mâu Khu xiâm, kơvâ cheăng xiâm hneăng hdrối hiăng troh lăm pôu, têk nhang ƀă pêi pro tơdroăng tơniăn pơlê pơla a bêng Bình Kiến, kong pơlê Dak Lak.

VOV.Xơ Đăng - Lâm Đồng pơkâ pêi troh hơnăm 2030 kơdroh hên mâu cheăm, thôn ki malối xơpá ing tơdroăng ki ‘no liăn pro troăng prôk, mơnhông cheăng kâ ƀă mơdêk ki rơkê plĕng tung tơdroăng rêh kâ ối kơpong hdrông kuăn ngo.