Tiô tơbleăng tơdroăng châ tơƀrê pêi pro “Tơdroăng pêi cheăng 500 hâi măng mơdêk pêi pro ti tăng, tơkŭm ƀă mơnhên inâi kơxêng kiâ mô đô̆i hlâ tung tơplâ xâ’’.

Troh nôkố, hiăng ti tăng, tơkŭm ti tăng chiâ rôu xo châ 1.715 kơxêng kiâ mô đô̆i, châ lối 24%; hiăng tơkŭm xo kơxêng, xâk ƀă mơnhên kơxêng kiâ mô đô̆i hlâ tung tơplâ xâ cho pơkâ ing plâi nuih ƀă pôu râng hnoăng kal kí, jâ Phạm Thị Thanh Trà, Phŏ Ngế pro xiâm hnê ngăn tơnêi têa pơcháu Ƀơrô Khu hnê mơhno 515 tơrŭm ƀă mâu kong pơlê, mơ-eăm kêi đeăng 130 khu hô sơ ‘na tơdroăng mô đô̆i hlâ tung tơplâ xâ hơnăm kố; mơjiâng troăng pro hô sơ mô đô̆i hlâ tung tơplâ xâ ƀă tơnâp pú hên tiô troăng nhên mơngế, nhên tơdroăng cheăng, nhên hâi khế ƀă tơmeăm ki pêi hiăng kêi đeăng.