A 11 to ilâng kiâ mố đô̆i, khu ki ai tơdjâk troh kong pơlê Lâm Đồng hiăng tơbleăng rôu 4.776 tơnâp kiâ mố đô̆i ki tá hâi ‘nâi inâi. Ing mê, châ xo 3.625 kơxêng. Ai lối 1.100 tơnâp ôh tá châ xo kơxêng lơ kơxêng ôh tá ai tŭm tơdroăng vâ séa ngăn ADN.

Tung pơla tơbleăng xo kơxêng châ pêi pro tơdrêng, krá tơniăn, rơkê, sap ing séa ngăn inâi, mơnhên tíu tơnâp ki tâp ‘mế troh xo kơxêng, ‘măn rak ƀă chêh pro klêi hồ sơ gum ăm cheăng mơnhên inâi. Mâu khu ki veăng mê xuân rak tơniăn kơtăng pơkâ thế tơdroăng cheăng, tơdrêng amê hlối rak vế tơdroăng ki nhuô̆m ƀă mâu tơnâp kiâ mố đô̆i.