Rơtế ƀă pêi pro rĕng mơjiâng, mâu pơkâ vâ péa hngêi trung pêi cheăng xuân dế châ Khu pơkuâ Hnê hriâm ƀă Hnê mơjiâng tuăn ngôa rơkê kong pơlê Lâm Đồng hbrâ tơdâng tơ’mô. Rêm hngêi trung châ xing xoăng 57 thái cô ƀă 21 mơngế cheăng. Hngêi trung Thuận An tiô tối hdrối ai 870 hok tro, hngêi trung Quảng Trực 900 ngế hok tro; tung mê ai tá hok tro ai tíu kâ koi tung hngêi trung ƀă kâ pơtê kơhâi dế.

Tiô tối hdrối sap hâi lơ 20/8 kô tơkŭm hok tro vâ tối tơbleăng tơdroăng ki xiâm, pro hmâ ƀă tơdroăng rêh ối tiô pơkâ tung hngêi trung, kâ ối pơtê kơhâi dế ƀă kế tơmeăm khoăng.

Mơnhên kố cho hnoăng cheăng kal kí ki kal, Vi ƀan kong pơlê Lâm Đồng dế séa ngăn kong trương, hnê mơhno tiô troăng ‘’nhên mơngế, nhên tơdroăng cheăng, nhên tơdroăng mơjiâng pro, nhên hnoăng’’, khŏm kêi đeăng péa tơmeăm tro hâi khế pơkâ, tơniăn lĕm, tơniăn lĕm, gum tơtro má môi tơdroăng hriâm tâp, kâ ối ƀă rêh ối dêi hok tro kơpong tơkăng kong.